ലോക്‌സഭ തെരഞ്ഞെടുപ്പില്‍ വര്‍ഗ്ഗീയതയും മതേതരത്വവും തമ്മിലുള്ള പോരാട്ടം: പി.കെ.കെ.ബാവ

കാസര്‍കോട്: വരുന്ന ലോക്‌സഭ തെരഞ്ഞെടുപ്പ് വര്‍ഗ്ഗീയതയും മതേതരത്വവും തമ്മിലുള്ള പോരാട്ടമാണെന്നും ആ പോരാട്ടത്തില്‍ ജനപക്ഷത്തുനിന്നുകൊണ്ട് വര്‍ഗ്ഗീയതയെ പരാജയപ്പെടുത്താന്‍ ഓരോ മുസ്‌ലിംലീഗുകാരും പ്രതിജ്ഞാബദ്ധമാണെന്നും മുസ്‌ലിം ലീഗ് സംസ്ഥാനട്രഷറര്‍ പി.കെ.കെ. ബാവ പ്രസ്താവിച്ചു. 

സ്വയം പ്രധാനമന്ത്രിയായി ചമയുന്ന മോഡിയെ പരാജയപ്പെടുത്താന്‍ മതേതര വിശ്വാസികള്‍ രംഗത്തിറങ്ങണം. മുന്‍ തെരഞ്ഞെടുപ്പില്‍ ഇന്ത്യ തിളങ്ങുന്നു എന്ന മുദ്രാവാക്യം ഉയര്‍ത്തിപ്പിടിച്ച് തെരഞ്ഞെടുപ്പിനെ നേരിട്ട ബി.ജെ.പി.ക്ക് ദയനീയമായ പരാജയമാണ് ഉണ്ടായത്. ആ തെരഞ്ഞെടുപ്പില്‍ വമ്പിച്ച ഭൂരിപക്ഷത്തില്‍ യു.പി.എ. സര്‍ക്കാര്‍ അധികാരത്തിലെത്തുകയായിരുന്നു. ഈ തെരഞ്ഞെടുപ്പിലും ബി.ജെ.പി.ക്ക് ദയനീയ പരാജയമുണ്ടാകുമെന്ന് പി.കെ.കെ. ബാവ പറഞ്ഞു.

കാസര്‍കോട് മുനിസിപ്പല്‍ ഭവന ഭവന്‍ ഓഡിറ്റോറിയത്തില്‍ ചേര്‍ന്ന മുസ്‌ലിം ലീഗ് ജില്ലാ പ്രവര്‍ത്തക സമിതി അംഗങ്ങള്‍, പഞ്ചായത്ത് മുനിസിപ്പല്‍ പ്രസിഡണ്ട് സെക്രട്ടറിമാരുടെ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രസിഡണ്ട് ചെര്‍ക്കളം അബ്ദുള്ള അധ്യക്ഷത വഹിച്ചു. ജനറല്‍ സെക്രട്ടറി എം.സി. ഖമറുദ്ദീന്‍ സ്വാഗതം പറഞ്ഞു. ജില്ലാ മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ നടക്കുന്ന പ്രചാരണ വാഹന ജാഥ മാര്‍ച്ച് നാല് മുതല്‍ ഒമ്പത് വരെ നടത്തുവാന്‍ തീരുമാനിച്ചു. 

സംസ്ഥാന വൈസ് പ്രസിഡണ്ട് സി.ടി.അഹമ്മദലി, എന്‍.എ. നെല്ലിക്കുന്ന് എം.എല്‍.എ, മുസ്‌ലിം ലീഗ് ജില്ലാ ട്രഷറര്‍ എ.അബ്ദുല്‍ റഹ്മാന്‍, വൈസ് പ്രസിഡണ്ടുമാരായ എ.ഹമീദ് ഹാജി, കല്ലട്ര മാഹിന്‍ ഹാജി, കെ.എം.ശംസുദ്ദീന്‍, സെക്രട്ടറിമാരായ എ.ജി.സി. ബഷീര്‍, കെ.ഇ.എ. ബക്കര്‍,എം.അബ്ദുല്ല മുഗു, സംസ്ഥാന പ്രവര്‍ത്തക സമിതി അംഗം ടി.ഇ.അബ്ദുള്ള, ചന്ദ്രിക ചീഫ് ഓര്‍ഗനൈസര്‍ ഹമീദ് വാണിമേല്‍ പ്രസംഗിച്ചു. മുസ്‌ലിം ലീഗ് ജില്ലാപ്രവര്‍ത്തക സമിതി അംഗങ്ങള്‍,പഞ്ചായത്ത്,മുനിസിപ്പല്‍ പ്രസിഡണ്ട് സെക്രട്ടറിമാര്‍ ചര്‍ച്ചയില്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,