ശനിയാഴ്ച രാത്രി ഏഴിനാണ് അപകടം. കീഴൂര്‍ പടിഞ്ഞാറുള്ള പഴയ റെയില്‍വേ തുരങ്കത്തിന് മുകളില്‍നിന്ന് ചെങ്കുത്തായ ഇറക്കത്തിലൂടെ ജീപ്പ് പാളത്തിലേക്ക് മറിയുകയായിരുന്നു. ചെമ്പരിക്കഭാഗത്തുനിന്ന് മേല്‍പറമ്പിലേക്ക് പോവുകയായിരുന്നു ജീപ്പ്. നിയന്ത്രണംവിട്ട് 15 മീറ്ററോളം ഓടിയശേഷമാണ് താഴേക്കുമറിഞ്ഞത്. 110വര്‍ഷം പഴക്കമുള്ള തുരങ്കത്തില്‍ ഇത്തരമൊരപകടം ആദ്യത്തേതാണ്.
അപകടംനടന്ന ഉടന്‍ റെയില്‍വേ സ്റ്റേഷനിലേക്ക് വിളിച്ചെങ്കിലും ആരും ഫോണെടുത്തില്ല. തുടര്‍ന്ന് നാട്ടുകാര്‍ ജീപ്പ് പാളത്തില്‍നിന്ന് മാറ്റി. പിന്നീട് ഫയര്‍ ഫോഴ്‌സെത്തി ക്രെയിനുപയോഗിച്ച് മുകളിലെത്തിച്ചു. അതിനിടെ റെയില്‍വേയുടെ പെര്‍മനന്റ് വേ ഇന്‍സ്‌പെക്ടര്‍ പരിശോധനനടത്തി. അപകടത്തെത്തുടര്‍ന്ന് കാഞ്ഞങ്ങാട് ഭാഗത്തേക്കുള്ള മലബാര്‍ എക്‌സ്പ്രസ് 30മിനിട്ടും മംഗലാപുരം ഭാഗത്തേക്കുള്ള പരശുറാം എക്‌സ്പ്രസ് 40മിനിട്ടും നിര്‍ത്തിയിട്ടു. പിന്നാലെയെത്തേണ്ട മറ്റു പല വണ്ടികളുടെയും സമയക്രമവും തെറ്റി.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,
No comments:
Post a Comment