സമ്മാനം കിട്ടിയ ബൈക്ക് പിക്കപ്പിലിടിച്ച് വിദ്യാര്‍ത്ഥി മരിച്ചു

മംഗലാപുരം: സമ്മാനം കിട്ടിയ ബൈക്ക് പിക്കപ്പുമായി കൂട്ടിയിടിച്ച് പിറകിലിരുന്ന സുഹൃത്ത് മരിച്ചു. ബൈക്കോടിച്ച വിദ്യാര്‍ഥി ഗുരുതരമായ പരിക്കേറ്റ് ആസ്​പത്രിയിലായി. സുള്ള്യയില്‍ സുബ്രഹ്മണ്യ റോഡിലാണ് അപകടം. ഹല്‍ക്കൂര്‍ ഗൗരിഗുണ്ടിലെ ജാനു നായികിന്റെ മകന്‍ വിശ്വാസ് ജി(17) ആണ് മരിച്ചത്. ബൈക്കോടിച്ച വോലാലമ്പെ സ്വദേശി കൗശിക്(17) ആണ് പരിക്കുകളോടെ ആസ്​പത്രിയില്‍ ചികിത്സയിലുള്ളത്.

സുബ്രഹ്മണ്യ പി.യു. കോളേജിലെ വിദ്യാര്‍ഥികളായ ഇരുവരും ഹാള്‍ടിക്കറ്റ് വാങ്ങാന്‍ കോളേജിലേക്ക് പോയി തിരിച്ചുവരികയായിരുന്നു. എതിരെവന്ന പിക്കപ്പുമായി കൂട്ടിയിടിക്കുകയാണുണ്ടായത്. തെറിച്ചുവീണ വിശ്വാസിന് ഗുരുതരമായി പരിക്കേറ്റ്‌സംഭവസ്ഥലത്തുതന്നെ മരിച്ചു.

മാസങ്ങള്‍ക്കുമുമ്പ് സുള്ള്യയിലെ ഒരു സ്വകാര്യകമ്പനി നടത്തിയ ലക്കി മത്സരത്തില്‍ കൗശികിന് സമ്മാനമായി കിട്ടിയതാണ് ബൈക്ക്. മാസങ്ങള്‍ കഴിഞ്ഞിട്ടും ഇത് രജിസ്റ്റര്‍ ചെയ്തിട്ടില്ല. മാത്രമല്ല ഇരുവര്‍ക്കും ലൈസന്‍സുമില്ലെന്ന് പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala.