ചൂരി സംഘര്‍ഷം: ബി.ജെ.പി. നേതാക്കള്‍ ഉള്‍പെടെ നൂറോളം പേര്‍ക്കെതിരെ കേസ്

കാസര്‍കോട്: ചൂരിയില്‍ വെള്ളിയാഴ്ച രാത്രിയുണ്ടായ സംഘര്‍ഷാവസ്ഥയുമായി ബന്ധപ്പെട്ട് ബി.ജെ.പി. നേതാക്കള്‍ ഉള്‍പെടെ നൂറോളം പേര്‍ക്കെതിരെ ടൗണ്‍ പോലീസ് കേസെടുത്തു. ബി.ജെ.പി. ജില്ലാ ജനറല്‍ സെക്രട്ടറി അഡ്വ. കെ. ശ്രീകാന്ത്, പി. രമേശ് തുടങ്ങിയവര്‍ക്കെതിരെയാണ് പോലീസിന്റെ ഔദ്യോഗിക കൃത്യനിര്‍വ്വഹണം തടസ്സപ്പെടുത്തി എന്ന കുറ്റംചുമത്തി കേസെടുത്തിരിക്കുന്നത്.

അതേ സമയം പോലീസിന്റെ മര്‍ദനമേറ്റ് വീട്ടമ്മ ഉള്‍പെടെ മൂന്ന് പേര്‍ കാസര്‍കോട് ജനറല്‍ ആശുപത്രിയില്‍ ചികിത്സയിലാണ്. ചൂരിയിലെ സി. സുലൈമാന്‍ ഹാജിയുടെ ഭാര്യ ഫാത്വിമാബി (60), മകന്‍ ഫസല്‍ റഹ് മാന്‍ (26), അയല്‍ക്കാരന്‍ താജുദ്ദീന്റെ മകന്‍ സല്‍മാന്‍ ഫാരിസ് (15) എന്നിവരാണ് ആശുപത്രിയിലുള്ളത്. രാത്രി വീട്ടില്‍കയറി പോലീസ് മര്‍ദിക്കുകയായിരുന്നുവെന്ന് ഇവര്‍ ആരോപിച്ചു.

നിരവധി വാഹനങ്ങള്‍ പോലീസ് അടിച്ചുതകര്‍ത്തതായും പരാതിയുണ്ട്. ചൂരിയിലൂടെ പോവുകയായിരുന്ന എന്‍.എ. നെല്ലിക്കുന്ന് എം.എല്‍.എയുടെ കാര്‍ ഒരു പോലീസുകാരന്‍ തടഞ്ഞുവെച്ചതായും ആരോപണമുണ്ട്. പ്രദേശത്തെ ഒരു ആരാധനാലയത്തിലെ ഉത്സവത്തോടനുബന്ധിച്ച് കെട്ടിയ കൊടിതോരണങ്ങള്‍ പോലീസ് നീക്കംചെയ്യാന്‍ എത്തിയതോടെയാണ് സംഘര്‍ഷാവസ്ഥ ഉടലെടുത്തത്. ആള്‍കൂട്ടത്തെ പിരിച്ചുവിടാന്‍ പോലീസ് ഗ്രനേഡ് പ്രയോഗിക്കുകയും ചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala.