ചൈനക്കാരി ഗര്‍ഭിണി ഒറ്റ ദിവസം കൊണ്ട് ഓടി താരമായ കഥ

ബീജിങ്: പൂര്‍ണ ഗര്‍ഭിണിയായിരുന്ന സു യുന്‍യുന്‍. പ്രസവിക്കാന്‍ ഒരു മാസം കൂടി മാത്രം ബാക്കി. വീട്ടില്‍നിന്നിറങ്ങി അല്‍പം ദൂരം നടക്കാന്‍ പോലും പെണ്ണുങ്ങള്‍ മടിക്കുന്ന സമയം. അപ്പോഴാണ് ഈ ചൈനക്കാരി ഓടി ചരിത്രം സൃഷ്ടിക്കുന്നത്. എട്ടു മാസം ഗര്‍ഭിണിയായിരിക്കെയാണ് ബീജിംഗ് ഒളിമ്പിക് പാര്‍ക്കില്‍ അടുത്തിടെ നടന്ന ഓട്ട മത്സരത്തില്‍ പങ്കെടുത്തത് സു യുന്‍യുന്‍ പ്രശസ്തയായത്.

28 വയസുകാരിയാണ് യുന്‍യുന്‍. രണ്ട് തവണ ഗര്‍ഭിണിയായിരിക്കുമ്പോഴും പരിശീലനം മുടക്കാത്ത അമേരിക്കന്‍ ദീര്‍ഘദൂര ഓട്ടക്കാരി പൗല റാഡ്ക്ലിഫില്‍ നിന്നാണ് താന്‍ പ്രചോദനം ഉള്‍ക്കൊണ്ടതെന്ന് സു യുന്‍യുന്‍ പറയുന്നു. കൂടാതെ തന്റെ കുഞ്ഞിന് ആരോഗ്യം ഉണ്ടാകാനും പ്രസവം അനായാസമാക്കാനും ഓട്ടം സഹായിക്കുമെന്നാണ് യുന്‍യുന്‍ കരുതുന്നത്. 2006ല്‍ ഗര്‍ഭിണിയായിരിക്കുമ്പോള്‍ പൗന റാഡ്ക്ലിഫ് ആദ്യത്തെ അഞ്ചു മാസം ദിവസേന രണ്ടു തവണ ഓടുമായിരുന്നു.

2010 ല്‍ 14 മൈല്‍ വരെ ഓടുമായിരുന്നുമെന്ന് പൗല വെളിപ്പെടുത്തിയിട്ടുണ്ട്. അമേരിക്കയിലെ ഡിപ്പാര്‍ട്ട്‌മെന്റ് ഓഫ് ഹെല്‍ത്ത് ആന്റ് ഹ്യൂമന്‍ സര്‍വീസിന്റെ മാര്‍ഗരേഖയനുസരിച്ച് യുവതികള്‍ക്ക് പ്രസവത്തിന് മുന്‍പുണ്ടായിരുന്ന അതേ ആരോഗ്യ അവസ്ഥയിലേക്ക് തിരിച്ചെത്താവുന്നതാണ്. ബ്രിട്ടന്റെ നാഷണല്‍ ഹെല്‍ത്ത് സര്‍വീസിന്റെ വെബ്‌സൈറ്റിലും പറയുന്നത് വ്യായാമം ഗര്‍ഭസ്ഥശിശുക്കള്‍ക്ക് അപകടകരമല്ലെന്നാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Chaina, Pregnant, Woman, Running.