മനുഷ്യ മാംസം തിന്നുന്ന പ്രവാസി മലയാളികള്‍...

ഇത് വായിച്ചാല്‍ നിങ്ങള്‍ക്ക് അത്ഭുതം തോന്നാം, പക്ഷെ സത്യമാണ്. ഞാന്‍ എഫ്ബി തുടങ്ങിയ കാലം മുതല്‍ ഇന്നുവരെക്കും പലതരം രോഗങ്ങളാല്‍ ബുദ്ധിമുട്ടുന്നവരുടെയും വീടില്ലാത്തവരുടെയും ഉറ്റവരും ഉടയവരും ഇല്ലാത്തവരുടെയും പടങ്ങള്‍ സഹായം ലഭിക്കാനായി ഫെയിസ്ബുക്കില്‍ പോസ്റ്റ് ചെയ്തിട്ടുണ്ട്. അവരോടെല്ലാം ഞാന്‍ പലപ്പോഴും ഫോണില്‍ വിളിച്ചു ആരെങ്കിലും സഹായം തന്നിട്ടുണ്ടോ എന്ന് ചോദിക്കാറുണ്ട്. പലര്‍ക്കും എന്റെ നല്ലവരായ എഫ്ബി കൂട്ടുകാരില്‍ നിന്നും ലക്ഷക്കണക്കിന് രൂപ സഹായം ലഭിച്ചിട്ടുമുണ്ട്.

കഴിഞ്ഞ ആഴ്ചയില്‍ രണ്ടു രോഗികളുടെ വിശേഷങ്ങള്‍ തിരക്കാന്‍ ഞാന്‍ ഫോണ്‍ വിളിച്ചപ്പോള്‍ അവരില്‍ നിന്നും ഞെട്ടിക്കുന്ന വിവരങ്ങള്‍ ആണ് എനിക്ക് ലഭിച്ചത്. രാത്രിയെന്നോ പകലെന്നോ വ്യത്യാസമില്ലാതെ ക്യാന്‍സര്‍ രോഗികളായ സ്ത്രീകളോട് പോലും പ്രവാസികളായ മലയാളികള്‍ നെറ്റ് ഫോണില്‍ അസഭ്യവും ലൈംഗിക ചുവയുള്ള സംഭാഷണങ്ങളും പറയാറുണ്ടെന്ന് ആ സ്ത്രീകള്‍ വളരെ വിഷമത്തോടെ പറയുന്നു.

ഞാന്‍ പോസ്റ്റ് ചെയ്യുന്ന പടത്തില്‍ കൊടുത്തിട്ടുള്ള മൊബൈല്‍ നമ്പരില്‍ ആണ് ഇത്തരം ആഭാസന്മാര്‍ വിളിച്ചു അനാവശ്യം പറയുന്നത്. ശരീരം തളര്‍ന്ന് പ്രാഥമിക ആവശ്യങ്ങള്‍ പോലും നടത്താന്‍ കഴിയാതെ കിടക്കയില്‍ ഒരേ കിടപ്പ് കിടക്കുന്ന രോഗികളെപ്പോലും ഇവന്മാര്‍ വെറുതെ വിടുന്നില്ല. 

"വീട് വെച്ച് തരാം, നല്ല ചികിത്സ ലഭ്യമാക്കിത്തരാം എന്റെ ഭാര്യയും ഞാനും അല്പം പിണക്കത്തിലാണ്, നമുക്ക് ഒരുമിച്ചു കഴിയാം" എന്ന് ഒരു പ്രവാസി വിളിച്ചു പറഞ്ഞത്.... 

ശരീരത്തിന്റെ എണ്‍പത് ശതമാനം വികലാംഗയും നിത്യരോഗിയായ ഭര്‍ത്താവുള്ള ഒരു സ്ത്രീയോടാണ്. ക്യാന്‍സര്‍ ബാധിച്ച ഒരു സ്ത്രീയോട് ഇവന്മാര്‍ പറഞ്ഞത് ഇവിടെ എഴുതാന്‍ പറ്റാത്ത അത്രയും വൃത്തികേടുകള്‍ ആണ്. 

സഹായം ഒന്നും വേണ്ടാ പോസ്റ്റ് ചെയ്ത പിക്ചര്‍ ഡിലിറ്റ് ചെയ്യൂ എന്ന് മുമ്പും പലരും പറഞ്ഞിട്ടുണ്ട്. അതെല്ലാം ഇതുപോലുള്ള സംഗതികള്‍ ആയിരുന്നെന്നു എനിക്കിപ്പോഴാണ് മനസ്സിലായത്.എന്തെ നമ്മള്‍ മലയാളികള്‍ ഇങ്ങനെ?..

മാരക രോഗങ്ങള്‍ കൊണ്ട് ബുദ്ധിമുട്ടുന്ന നമ്മുടെ സഹോദരിമാരോട് കരുണയില്ലാതെ പെരുമാറാന്‍ നമുക്ക് എങ്ങനെ കഴിയുന്നു. മലയാളിയുടെ മനസ്സില്‍ നിന്നും സ്‌നേഹവും കരുണയും ദയയും വറ്റിപ്പോയോ...?

ഒരു കാര്യം ഉറപ്പാണ് ഈ കാമഭ്രാന്തന്മാരുടെ അമ്മമാര്‍ ഇവന്മാരെ പിഴച്ചു പെറ്റതാണെന്നുള്ള കാര്യത്തില്‍ ഒരു സംശയവുമില്ല...

Syed Ali Aliyar

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com