ബാവിക്കര തടയണ നിര്‍മാണത്തില്‍ അഴിമതി; എംഎല്‍എക്കും പങ്ക്: ബിജെപി

കാസര്‍കോട്: ബാവിക്കരയില്‍ ചെറുകിട ജലസേചന വകുപ്പ് നിര്‍മ്മിക്കുന്ന സ്ഥിരം തടയണയില്‍ വ്യാപക അഴിമതി നടന്നിട്ടുണ്ടെന്നും കാസര്‍കോട് എംഎല്‍എ എന്‍.എ.നെല്ലിക്കുന്നിന് അഴിമതിയില്‍ പങ്കുണ്ടെന്നും ബിജെപിയുടെ ആരോപണം. 

കുടിവെള്ള പ്രശ്‌നത്തിന് പരിഹാരം കാണണമെന്നാവശ്യപ്പെട്ട് കാസര്‍കോട് പുതിയ ബസ്സ്റ്റാന്റ് പരിസരത്ത് നടത്തിയ ധര്‍ണയിലാണ് എംഎല്‍എക്കെതിരെ ബിജെപി അഴിമതിയാരോപണം ഉന്നയിച്ചത്. 

കാസര്‍കോട്ടുകാര്‍ വര്‍ഷങ്ങളായി ഉപ്പുവെള്ളം കുടിക്കേണ്ടി വരുന്നതിന് കാരണം ഈ അഴിമതിയാണ്. ഉദ്യോഗസ്ഥരും എംഎല്‍എയും കരാറുകാരനും ഒത്തുകളിക്കുകയാണ്. കോടികള്‍ മുടക്കി 25 വര്‍ഷം പിന്നിട്ടിട്ടും തടയണ പാതിവഴിയില്‍ നിലച്ചത് വിശദമായി അന്വേഷിക്കണം. ഇക്കാര്യത്തില്‍ സിപിഎം പുലര്‍ത്തുന്ന മൗനം ദുരൂഹമാണ്. ഇരുമുന്നണികളും അഴിമതിയില്‍ കൂട്ടുചേര്‍ന്നിട്ടുണ്ട്.


ആദ്യകരാറുകാരന്‍ ഒന്നരക്കോടിയോളം രൂപ വാങ്ങി പാതിവഴിയില്‍ ഉപേക്ഷിച്ചു. തുക തിരിച്ച് പിടിക്കാന്‍ പോലും അധികൃതര്‍ തയ്യാറായില്ല. ടെന്‍ഡറിന്റെ 82 ശതമാനം അധിക തുക നല്‍കി മറ്റൊരു കരാറുകാരനെ ഏല്‍പ്പിച്ചിട്ടും ഇപ്പോഴും നിര്‍മ്മാണം അനിശ്ചിതത്വത്തിലാണ്. ഉദ്യോഗസ്ഥരെ കുറ്റം പറഞ്ഞ് കൈകഴുകുന്ന ജനപ്രതിനികള്‍ കാസര്‍കോട്ടെ ജനതയെ അപമാനിക്കുന്നു. തങ്ങളുടെ കഴിവുകേട് മറച്ച് വെക്കാനാണ് ജനപ്രതിനിധികളുടെ ശ്രമം. 

ഇപ്പോള്‍ നടക്കുന്ന വിജിലന്‍സ് പരിശോധന കണ്ണില്‍ പൊടിയിടാനാണ്. ഖജനാവിന് കോടികള്‍ നഷ്ടമുണ്ടാക്കിയ സംഭവത്തില്‍ കേസ് രജിസ്റ്റര്‍ ചെയ്ത് വിജിലന്‍സ് അന്വേഷണം നടത്തി കുറ്റക്കാരെ കണ്ടെത്തണം. കടുത്ത മനുഷ്യാവകാശ പ്രശ്‌നമാണ് ജനങ്ങള്‍ നേരിടുന്നതെന്നും മനുഷ്യാവകാശ കമ്മീഷന്‍ ഇടപെടണമെന്നും ബിജെപി ആവശ്യപ്പെട്ടു. വരും ദിവസങ്ങളില്‍ സമരം കൂടുതല്‍ ശക്തമാക്കുമെന്നും ബിജെപി മുന്നറിയിപ്പ് നല്‍കി.


ദേശീയ സമിതി അംഗം എം.സഞ്ജീവ ഷെട്ടി ഉദ്ഘാടനം ചെയ്തു. ജില്ലാ പ്രസിഡണ്ട് പി.സുരേഷ്‌കുമാര്‍ ഷെട്ടി അധ്യക്ഷത വഹിച്ചു. ജില്ലാ ജനറല്‍ സെക്രട്ടറി അഡ്വ.കെ.ശ്രീകാന്ത്, സംസ്ഥാന സമിതി അംഗം പി.രമേശ്, സംസ്ഥാന വൈസ് പ്രസിഡണ്ട് പ്രമീള.സി.നായ്ക് എന്നിവര്‍ സംസാരിച്ചു. എം.സുധാമ സ്വാഗതവും ഹരീഷ് നാരംപാടി നന്ദിയും പറഞ്ഞു. എസ്.കുമാര്‍, ജി.ചന്ദ്രന്‍, സുനില്‍.പി.ആര്‍, സരോജ.ആര്‍ ബള്ളാല്‍ എന്നിവര്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com