പ്രവാസി ക്ഷേമ പദ്ധതികളില്‍ സര്‍ക്കാര്‍ ആത്മാര്‍ഥത കാണിക്കണം: സോഷ്യല്‍ ഫോറം ജുബൈല്‍

ജുബൈല്‍: പ്രവാസി ക്ഷേമ പദ്ധതികള്‍ നടപ്പിലാക്കുന്നതിന് പ്രവാസികളില്‍ നിന്നും ഈടാക്കിയ പ്രവാസികാര്യ മന്ത്രാലയത്തിന് കീഴിലെ പ്രൊട്ടക്ടര്‍ ഓഫ് ഇമിഗ്രന്‍സ് ഫണ്ടിലുള്ള കോടിക്കണക്കിന് രൂപ ചെലവഴിക്കാന്‍ ബന്ധപ്പെട്ട വകുപ്പ് തയ്യാറാവണമെന്ന് ഇന്ത്യന്‍ സോഷ്യല്‍ ഫോറം ജുബൈല്‍ ബ്രാഞ്ച് സമ്മേളനം ആവശ്യപ്പെട്ടു. 

അര്‍ഹരായവര്‍ക്ക് പെന്‍ഷനും പ്രവാസികളുടെ മക്കള്‍ക്ക് ഉന്നത പഠനത്തിന് സംവരണവും ഏര്‍പ്പെടുത്തണം. രാജ്യ പുരോഗതിക്കും സമ്പദ് വ്യവസ്ഥ ശക്തിപ്പെടുത്തുന്നതിനും ഗണ്യമായ സംഭാവന നല്‍കുന്നവരാണ് ഗള്‍ഫ് പ്രവാസികള്‍. തിരിച്ചെത്തുന്ന പ്രവാസിക്ക് നാമമാത്ര വായ്പകള്‍ നല്‍കി ഉത്തരവാദിത്വത്തില്‍ നിന്നും ഒഴിഞ്ഞുമാറുന്നതിന് പകരം പ്രവാസി പുനരധിവാസത്തിന് ക്രിയാത്മക പദ്ധതികള്‍ ആവിഷ്‌കരിച്ച് നടപ്പിലാക്കുന്നതിനും അനുയോജ്യമായ തൊഴിലിടങ്ങളില്‍ പ്രത്യേക പരിഗണനയും സംവരണവും നല്‍കുന്നതിനും കേന്ദ്ര-കേരള സര്‍ക്കാരുകള്‍ തയ്യാറാകണം. 

ഓരോ വര്‍ഷവും കോടികള്‍ ചെലവഴിച്ച് നടത്തുന്ന വരേണ്യ വര്‍ഗത്തിന്റെ മാമാങ്കമായി അധഃപ്പതിച്ച പ്രവാസി ഭാരതീയ ദിവസില്‍ സാധാരണ പ്രവാസിയുടെ പ്രശ്‌നങ്ങള്‍ ചര്‍ച്ചയ്ക്ക് വരികയോ ക്രിയാത്മകമായ തീരുമാനങ്ങളുണ്ടാവുകയോ ചെയ്യുന്നില്ലെന്നും പ്രമേയം കുറ്റപ്പെടുത്തി. 

പ്രസിഡന്റ് നാസര്‍ പെരുമ്പാവൂര്‍ അധ്യക്ഷത വഹിച്ച സമ്മേളനം ഐ എസ് എഫ് കിഴക്കന്‍ പ്രവിശ്യാ നിര്‍വ്വാഹക സമിതിയംഗം മുഹമ്മദ് നമീര്‍ ചെറുവാടി ഉദ്ഘാടനം ചെയ്തു. ഷമീര്‍ കരുനാഗപ്പള്ളി മുഖ്യ പ്രഭാഷണം നടത്തി. അബ്ദുല്‍ കരീം ഖാസിമി (സഹായി), ഇബ്രാഹിംകുട്ടി (ഗ്ലോബല്‍ മലയാളി കൗണ്‍സില്‍), കുഞ്ഞിക്കോയ താനൂര്‍ (ഫ്രറ്റേണിറ്റി ഫോറം) ആശംസകള്‍ നേര്‍ന്നു. മുഹമ്മദ് ഷമീര്‍ കൊല്ലം പ്രമേയമവതരിപ്പിച്ചു. 

അബ്ദുല്‍ സലീം കരുനാഗപ്പള്ളി ആദ്യ മെംബര്‍ഷിപ് ഏറ്റുവാങ്ങി. ജനറല്‍ സെക്രട്ടറി സുബൈര്‍ റാവുത്തര്‍ സ്വാഗതവും സെക്രട്ടറി അന്‍സാര്‍ പാലക്കാട് നന്ദിയും പറഞ്ഞു. ഇര്‍ഷാദ് തലച്ചിറ, സിദ്ദീഖ് ആലുവ, മുനീര്‍ പാലക്കാട്, ഇസ്മാഈല്‍ വയനാട്, അസീസ് പട്ടാമ്പി, സാക്കിര്‍ കൂട്ടായി, റാഫി കൊല്ലം നേതൃത്വം നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com