വിധി മരണമായി മുഹമ്മദ് റാഷിദിനെ തേടിയെത്തി ;നടുക്കം മാറാതെ ഉമ്മര്‍ സുലൈമാന്‍

കുവൈത്ത് സിറ്റി: മുഖം മൂടി ധരിച്ച കൊള്ള സംഘത്തിന്റെ വെടിയേറ്റ് മരണമടഞ്ഞ മലപ്പുറം കുളത്തൂര്‍ സ്വദേശി സയ്യിദ് മുഹമ്മദ് റാഷിദ് ജമലുല്ലൈലിയെ വിധി മരണമായി തേടിയെത്തുകയായിരുന്നു. എന്നാല്‍ വിധി ജീവന്‍ തിരിച്ചു നല്‍കിയ ആശ്വാസവും സുഹൃത്ത് തനിക്കുപകരം കൊല്ലപ്പെട്ടതിലുള്ള വേദനയും കടിച്ചമര്‍ത്തി കഴിയുകയാണ് തൃശൂര്‍ കുന്നംകുളം സ്വദേശി ഉമ്മര്‍ സുലൈമാന്‍.

കുവൈത്തിലെ പ്രശസ്തമായ ബദര്‍ മുല്ല സെക്യൂരിറ്റി കോറില്‍ സുരക്ഷാ ജീവനക്കാരാണ് മുഹമ്മദ് റാഷിദും സുലൈമാനും. സുലൈബിയ മാര്‍ക്കറ്റിലെ കാഷ് കളക്ഷന്‍ ചുമതല കൊല്ലപ്പെട്ട ശാര്‍ങ്ധരനും സുലൈമാനുമായിരുന്നു. സുലൈമാന് സുഖമില്ലാത്തത് കാരണം വെള്ളിയാഴ്ച്ച വൈകിട്ടുള്ള ഡ്യൂട്ടിയില്‍നിന്നും നേരത്തെ ഒഴിവാകുകയായിരുന്നു.

ഡ്യൂട്ടി ഓഫീസറായിരുന്ന മുഹമ്മദ് റാഷിദ് ജമലുല്ലൈലി രണ്ടുമണിക്കൂര്‍ സുലൈമാന് പകരം ഡ്യൂട്ടി എടുക്കുകയായിരുന്നു. എല്ലാവര്‍ക്കും സഹായമാകാറുള്ള ജമലുല്ലൈലിയുടെ വിയോഗം സഹപ്രവര്‍ത്തകരെ ദുഃഖത്തിലാഴ്ത്തിയിരിക്കുകയാണ്. തനിക്കു പകരക്കാരനായി പോയ സുഹൃത്ത് വെടിവെപ്പില്‍ വധിക്കപ്പെട്ടത് വിശ്വസിക്കാനാവാതെ ഇപ്പോഴും നടുക്കത്തിലാണ് സുലൈമാന്‍.

മലപ്പുറം കുളത്തൂര്‍ സയ്യിദ് അലി ജമലുല്ലൈലി തങ്ങളുടെയും ആയിശ സഹറ ബീവിയുടെയും കുടുംബത്തെ വിധി വേട്ടയാടുകയാണ്. ഇവരുടെ രണ്ടുമക്കള്‍ വാഹനാപകടത്തിലും ഒരുമകന്‍ ഉറക്കത്തിലും മരണപ്പെട്ടിരുന്നു. മൂന്ന് മക്കളുടെ വേര്‍പാടിന്റെ ദുഃഖം വിട്ടു മാറും മുമ്പാണ് മുഹമ്മദ് റാഷിദ് ജമലുല്ലൈലി തങ്ങളെയും മരണം തട്ടിയെടുക്കുന്നത്.

(കടപ്പാട്: ചന്ദ്രിക)

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com