ജനങ്ങള്‍ക്ക് ദുരിതമായി കാസര്‍കോട്-കാഞ്ഞങ്ങാട് കെഎസ്ടിപി റോഡ് നിര്‍മാണം ഇഴയുന്നു

ഉദുമ: കാസര്‍കോട്-കാഞ്ഞങ്ങാട് കെഎസ്ടിപി റോഡ് നിര്‍മാണ പ്രവൃത്തി ഇഴയുന്നു. ഗതാഗത തടസ്സവും പൊടികാരണവും ജനം ദുരിതത്തിലായി. നാലുവരി പാതയുടെ നിര്‍മ്മാണമാണ് കെഎസ്ടിപി കമ്പനിയുടെ പിടിപ്പ്‌കേട് കാരണം വൈകുന്നത്.

കൊച്ചിയിലെ ആര്‍ഡിഎസ് പ്രൊജക്ട് കമ്പനിയാണ് റോഡ് കരാര്‍ ഏറ്റെടുത്തത്. ചളിയങ്കോട്ടെ പാലത്തിന്റെയും ചെമ്മനാട് മുതല്‍ പാലക്കുന്ന് വരെയുള്ള റോഡ് പ്രവൃത്തിയും ഇപ്പോഴും പാതി വഴിയില്‍ നില്‍ക്കുകയാണ്. ചളിയങ്കോട് പുതിയ പാലം നിര്‍മ്മിക്കുന്നതിനാല്‍ ഇതു വഴിയുള്ള ഗതാഗതം മാസങ്ങള്‍ക്കു മുമ്പേ നിരോധിച്ചു. 

ബസ് ഉള്‍പ്പെടെയുള്ള വാഹനങ്ങള്‍ ചെമ്മനാട് കൊമ്പനടുക്കത്തു നിന്ന് പരവനടുക്കം-ദേളി വഴി സഞ്ചരിച്ച് മേല്‍പറമ്പിലേക്ക് പ്രവേശിക്കുകയാണ് ചെയ്യുന്നത്. ഈ റോഡ് വളരെ ഇടുങ്ങിയതിനാല്‍ ഗതാഗത സ്തംഭനം പതിവാണ്. രണ്ട് ബസുകള്‍ എതിര്‍ദിശയില്‍ നിന്ന് ഒന്നിച്ച് വന്നാല്‍ ഗതാഗതം തടസപ്പെടും.

വാഹനത്തിരക്ക് ഏറെയുള്ള ഈ റോഡില്‍ മേല്‍പറമ്പ് മുതല്‍ പാലക്കുന്ന് വരെ റോഡ് പ്രവൃത്തിക്ക് കുത്തിപ്പൊളിച്ചതിനാല്‍ ഇരുവശത്തു നിന്നും വാഹനങ്ങള്‍ ഒരുഭാഗം ചേര്‍ന്നാണ് കടന്നുപോകുന്നത്. ഇവിടെ പലയിടുത്തും പണി പാതി വഴിയില്‍ നിര്‍ത്തി. സബ് കോണ്‍ട്രാക്ടര്‍മാര്‍ക്ക് കെഎസ്ടിപി കമ്പനി പണം നല്‍കാത്തതാണ് പ്രവൃത്തി നിര്‍ത്തിവെക്കാന്‍ കാരണമെന്ന് പറയുന്നു. 

റോഡ് കുത്തിപ്പൊളിച്ചതിനാല്‍ കാലവര്‍ഷം ആരംഭിക്കുന്നതോടെ ഇതുവഴിയുള്ള കാല്‍നട യാത്ര പോലും ദുസഹമാവും. 

കാസര്‍കോട്-കാഞ്ഞങ്ങാട് കെഎസ്ടിപി റോഡ് നിര്‍മാണം അടിയന്തരമായി പൂര്‍ത്തിയാക്കണമെന്ന് കെ കുഞ്ഞിരാമന്‍ എംഎല്‍എ ആവശ്യപ്പെട്ടു. ഈ ആവശ്യമുന്നയിച്ച് മുഖ്യമന്ത്രിക്കും പൊതുമരാമത്ത് മന്ത്രിക്കും വകുപ്പ് സെക്രട്ടറിക്കും എംഎല്‍എ നിവേദനം നല്‍കി. മന്ദഗതിയിലായ റോഡ് പ്രവൃത്തി മുന്നോട്ട് കൊണ്ടുപോകാന്‍ ഉന്നതല യോഗം വിളിച്ച് ചേര്‍ക്കണമെന്നും എംഎല്‍എ ആവശ്യപ്പെട്ടു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com