പത്മനാഭസ്വാമി ക്ഷേത്രത്തില്‍ ജീവനക്കാരിയെ പീഡിപ്പിക്കാന്‍ ശ്രമിച്ചുവെന്ന് ആരോപണം

തിരുവനന്തപുരം: പത്മനാഭ സ്വാമി ക്ഷേത്രത്തില്‍ ലൈംഗിക പീഡനം തുടര്‍ക്കഥയായി മാറി ക്ഷേത്രത്തിനകത്ത് ലൈംഗിക പീഡനം നടന്നുവെന്ന അമിക്യൂസ് ക്യൂറി ഗോപാല്‍ സുബ്രഹ്മണ്യം സുപ്രീം കടതിയില്‍ റിപ്പോര്‍ട്ട് നല്‍കിയതിനു പിറകെ മറ്റൊരു പീഡനക്കേസ് കൂടി പുറത്തുവന്നു.

കഴിഞ്ഞ വര്‍ഷം നവംബറില്‍ ക്ഷേത്ര ജീവനക്കാരിയായ തിരുവനന്തപുരം സ്വദേശിനിയെ ഓഫീസില്‍ വെച്ച് പീഡിപ്പിക്കാന്‍ ശ്രമിച്ചുവെന്നാണ് പരാതി. എക്‌സിക്യൂട്ടീവ് ഓഫീസര്‍ക്ക് വൗച്ചര്‍ നല്‍കാന്‍ ചെന്ന ജീവനക്കാരിയെ അനില്‍ കുമാര്‍ എന്ന ജീവനക്കാരന്‍ കയറി പിടിക്കുകയായിരുന്നു. കൈ തട്ടിമാറ്റിയ ജീവനക്കാരിയെ ചീത്ത വിളിക്കുകയും ഭീഷണിപ്പെടുത്തുകയും ചെയ്തതായി പോര്‍ട്ട് പോലീസില്‍ അക്കാലത്ത് തന്നെ നല്‍കിയ പരാതിയില്‍ ആരോപിച്ചിരുന്നു.

ഓഫീസിലെ മാനേജരും മറ്റൊരു ജാവനക്കാരനും ഈ സമയം ഓഫീസിനകത്ത് ഉണ്ടായിരുന്നെങ്കിലും അവരും സ്ത്രീയെ ചീത്ത വിളിക്കുകയായിരുന്നത്രേ. പോലീസില്‍ പരാതി നല്‍കിയെങ്കിലും നടപടിയൊന്നും സ്വീകരിച്ചില്ലെന്നും ആരോപണമുണ്ട്.
നേരത്തെ മറ്റൊരു ജീവനക്കാരിയെ ഓഫീസില്‍ പീഡിപ്പിക്കാന്‍ ശ്രമിച്ചുവെന്ന ആരോപണമുണ്ടായിരുന്നു. ഭര്‍ത്താവ് അപകടത്തില്‍ മരിച്ച സ്ത്രീയാണ് പീഡനശ്രമത്തിനിരയായത്. 

എല്ലാ ദിവസവും രാവിലെ എട്ടുമണിക്ക് ഡ്യൂട്ടിയില്‍ ഹാജരാകേണ്ടുന്ന സ്ത്രീയെ രാവിലെ 7 മണിക്ക് വരാന്‍ പറഞ്ഞ എക്‌സിക്യൂട്ടീവ് ഓഫീസര്‍ പീഡിപ്പിക്കാന്‍ ശ്രമിക്കുകയായിരുന്നത്രേ. ഇതു സംബന്ധിച്ച് പരാതി നല്‍കിയെങ്കിലും എക്‌സിക്യൂട്ടീവ് ഓഫീസറെ ഒരു ദിവസത്തേക്ക് സസ്പന്റ് ചെയ്ത് പ്രശ്‌നം ഒതുക്കുകയായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, padmanabha Swami Temple, rape Attempt.

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com