അടിവസ്ത്രങ്ങളില്‍ ഒളിപ്പിച്ച് സ്വര്‍ണ്ണം കടത്താന്‍ ശ്രമിച്ച നാല് മലയാളികള്‍ പിടിയില്‍

ചെന്നൈ: അടിവസ്ത്രങ്ങളില്‍ ഒളിപ്പിച്ച് രണ്ട് കിലോ സ്വര്‍ണ്ണം കടത്താന്‍ ശ്രമിച്ച നാല് മലയാളികളെ വിമാനത്താവളത്തില്‍ കസ്റ്റംസ് അധികൃതര്‍ അറസ്റ്റ് ചെയ്തു. ഷാര്‍ജയില്‍ നിന്ന് തിരുവനന്തപുരം വഴി ചെന്നൈയിലെത്തിയ കോഴിക്കോട് സ്വദേശികളായ മുഹമ്മദ് അബ്ദുള്‍ ആസീഫ്(33), ഫാത്തിമ(28), മുഹമ്മദ് അഷറഫ്(27), ഷാഹീദ(24) എന്നിവരാണ് പിടിയിലായത്.

എയര്‍ ഇന്ത്യ വിമാനത്തിലെത്തിയ ഇവരെ പരിശോധിച്ചപ്പോഴാണ് വസ്ത്രങ്ങളില്‍ ഒളിപ്പിച്ച സ്വര്‍ണ്ണം പിടികൂടിയത്. 60 ലക്ഷം രൂപയുടെ സ്വര്‍ണ്ണമാണ് പിടികൂടിയതെന്ന് അധികൃതര്‍ പറഞ്ഞു. നാല് പേരെയും കസ്റ്റംസ് അധികൃതര്‍ ചോദ്യം ചെയ്ത് വരികയാണ്.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Gold, case, Chennai, Airport.