സരിതയുടെ വാഹനത്തിന് സൈഡ് നല്‍കിയില്ല; ടിപ്പര്‍ ഡ്രൈവര്‍ അറസ്റ്റില്‍

കിളിമാനൂര്‍: കൊലക്കേസ് പ്രതികള്‍ വരെ സധൈര്യം നാട്ടില്‍ അലഞ്ഞു തിരിയുമ്പോഴാണ് വാഹനത്തിന്റെ ഇന്‍ഡിക്കേറ്റര്‍ ഇട്ടില്ല എന്ന പേരില്‍ ഒരു ടിപ്പര്‍ ഡ്രൈവറെ മിനിട്ടുകള്‍ക്കുള്ളില്‍ അറസ്റ്റ് ചെയ്യാന്‍ പൊലീസ് ശുഷ്‌കാന്തി കാട്ടിയത്. അതിനുത്തരവാദിയായ ആള്‍ ആരാണെന്നറിയണ്ടേ? സോളാര്‍ കേസ് പ്രതി സരിത എസ്. നായര്‍.

തിങ്കളാഴ്ച രാവിലെ 7.30നായിരുന്നു സംഭവം. സരിത രാവിലെ അമ്പലപ്പുഴ കോടതിയിലേക്ക് എം.സി റോഡ് വഴി പോകുകയായിരുന്നു. കിളിമാനൂരിനടുത്ത് കുറവന്‍കുഴിയില്‍ മുമ്പേ പോയ ടിപ്പര്‍ വലത്തോട്ടുള്ള റോഡിലേക്ക് തിരിഞ്ഞു. ഇന്‍ഡിക്കേറ്റര്‍ ഇട്ടില്ലെന്ന് പറഞ്ഞ് ടിപ്പറിനു മുന്നില്‍ കാര്‍ കുറുകെനിറുത്തി െ്രെഡവറെ പുറത്തിറക്കി ചീത്ത പറഞ്ഞു. നിമിഷങ്ങള്‍ക്കുള്ളില്‍ 'ഉന്നതരെ' വിവരവും അറിയിച്ചു. മിനിട്ടുകള്‍ക്കകം കിളിമാനൂര്‍ പൊലീസെത്തി ഡ്രൈവറെ അറസ്റ്റു ചെയ്തു കൊണ്ടുപോയി. കോടതിയില്‍ ഹാജരാകാനുള്ളതിനാല്‍ സരിതയെ വിട്ടയയ്ക്കുകയും ചെയ്തു.

Keywords:Saritha S Nair, police, Arrested, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News