കണ്ണൂരില്‍ അമ്മയും മകളും കിണറ്റില്‍ മരിച്ചനിലയില്‍

മട്ടന്നൂര്‍: അമ്മയെയും രണ്ടു വയസുകാരിയായ മകളെയും വീട്ടുകിണറ്റില്‍ മരിച്ച നിലയില്‍ കണ്ടെത്തി. മട്ടന്നൂര്‍ കോളേജ് റോഡില്‍ കൊക്കയില്‍ വ്യാപാരിയായ പി.നൗഫലിന്റെ ഭാര്യ റുബീന (30), മകള്‍ ഫാത്തിമത്ത് റജ (2) എന്നിവരെയാണ് ചൊവ്വാഴ്ച് പുലര്‍ച്ചെ അഞ്ചുമണിയോടെ സ്വന്തം വീട്ടുകിണറ്റില്‍ മരിച്ച നിലയില്‍ കണ്ടെത്തിയത്.

പുലര്‍ച്ചെ മൂന്നുമണിയോടെ വീട്ടില്‍ കാണാത്തതിനെ തുടര്‍ന്ന് ബന്ധുകള്‍ നടത്തിയ അന്വേഷണത്തിലാണ് അമ്മയും മകളും വീട്ടുകിണറ്റില്‍ മരിച്ചു കിടക്കുന്നതായി കണ്ടത്. മട്ടന്നൂരില്‍ നിന്നും ഫയര്‍ഫോഴ്‌സ് എത്തിയാണ് മൃതദേഹങ്ങള്‍ പുറത്തെടുത്തത്. ഫാത്തിമത്ത് റന, മുഹമ്മദ് നാസിഫ് എന്നിവരും റുബീനയുടെ മക്കളാണ്. മട്ടന്നൂരിലെ കെ. ഇബ്രാഹിം ഖദീജ ദമ്പതികളുടെ മകളാണ്.

Keywords:Kannur, Dead body, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News