മൂന്ന് സ്റ്റീല്‍ ബോംബുകളും ഒരു പെട്രോള്‍ ബോംബുമാണ് വീടിനു നേരെ എറിഞ്ഞത്. ഒരു സ്റ്റീല്‍ ബോംബ് പൊട്ടിത്തെറിച്ചാണ് വീടിന് കേടുപാട്‌സംഭവിച്ചത്. രണ്ട് സ്റ്റീല്‍ ബോംബുകള്‍ എറിയുന്നതിനിടയില്‍ അതിന്റെ മൂടി തെറിച്ചു പോയതിനാലാണ് പൊട്ടിത്തെറിക്കാതിരുന്നത്. ഈ സ്റ്റീല്‍ ബോംബുകളിലെ വെടി മരുന്നുകള്‍ മുറ്റത്ത് ചിതറി കിടക്കുന്ന നിലയിലാണ്. പെട്രോള്‍ ബോംബ് പൊട്ടിത്തെറിച്ച് കാറിലേക്ക് തീ പടരുകയായിരുന്നു. വീടിന് പുറത്ത് നിര്‍ത്തിയിട്ട ഇന്റിക കാറിന് തീ പിടിച്ച് കേടുപാട് സംഭവിച്ചു. തീ പടരുന്നത് കണ്ട് സുനില്‍ കുമാറിന്റെ ഭാര്യ ഉറക്കമുണര്‍ന്ന് വെള്ളമൊഴിച്ച് തീയണച്ചതിനാലാണ് കാര്‍ പൂര്‍ണ്ണമായും കത്താതിരുന്നത്.
സംഭവത്തിന് പിറകില്‍ ആരാണെന്ന് വ്യക്തമായിട്ടില്ല.
പാപ്പിനിശ്ശേരി അരോളി സ്വദേശിയാണ് സുനില്‍ കുമാര്‍. 17 വര്‍ഷം ആര്‍മിയില്‍ ജോലി ചെയ്ത ശേഷമാണ് പോലീസ് സര്‍വ്വീസില്‍ പ്രവേശിച്ചത്. കൂത്തുപറമ്പ് ശങ്കരനെല്ലൂരില്‍ വിവാഹം കഴിച്ച സുനില്‍ കുമാര്‍ കണറിന്റവിട വീടെടുത്ത് താമസിക്കുകയായിരുന്നു. അദ്ധേഹത്തിന് രാഷ്ട്രീയ ബന്ധങ്ങളൊന്നും തന്നെയില്ല. പ്രദേശത്ത് ശത്രുക്കളുമില്ല. രാഷ്ട്രീയ സംഘര്‍ശത്തിന് കുപ്രസിദ്ധിയാര്‍ജ്ജിച്ച പ്രദേശമാണ് മാങ്ങാട്ടിടം. ഇവിടെ നിരവധി തവണ പോലീസ് റെയ്ഡ് നടത്തുകയും ബോംബുകളും ആയുധങ്ങളും പിടികൂടുകയും ചെയ്തിരുന്നു. ഇതിന്റെ പിറകില്‍ പോലീസ് ഡ്രൈവറാണെന്ന സംശയത്തെ തുടര്‍ന്ന് രാഷ്ട്രീയബന്ധമുള്ള ആരെങ്കിലുമായിരിക്കാം അക്രമത്തിന് പിറകിലെന്ന സംശയം ഉയര്‍ന്നിട്ടുണ്ട്.
Keywords: Kannur, Police, House, Bomb, nternational News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment