സര്ക്കാരിന്റെ മദ്യനയം മൂലം ആശയറ്റവരുടെ ദുഖമായിരുന്നു വാര്ത്താ സമ്മേളനത്തില് മുഴങ്ങി കേട്ടത്.മദ്യത്തിനെതിരെ ശബ്ദിക്കാന് ആയിരങ്ങളുണ്ടെങ്കിലും മദ്യപാനികള്ക്ക് വേണ്ടി വാദിക്കാന് ആരുമില്ലാത്തതിനെത്തുടര്ന്നാണ് കോട്ടയം ഇല്ലിക്കല് സ്വദേശി അജിത് മാത്യുവും അയല്ക്കാരനും ഗ്ലാസ് മേറ്റു കൂടിയായ ലൂക്കോസ് മാത്യുവും കൂടി മാധ്യമങ്ങളെ കാണാന് തീരുമാനിച്ചത്.ഒന്നാം നമ്പര് ശത്രു ആരാണെന്നതില് ഇവര്ക്ക് സംശയം തെല്ലുമില്ല.തങ്ങളെ ഈ വിധമാക്കിയ രാഷ്ട്രീയക്കാരോടുള്ള അതൃപ്തിയും ഇവര് മറച്ചു വെച്ചില്ല.എന്നാല് സര്ക്കാരിനോടും രാഷ്ട്രീയക്കാരോടും ഇവര്ക്കു പറയാന് ഒന്നേയുളളൂ. മദ്യരഹിത കേരളത്തെക്കുറിച്ച് സ്വപ്നത്തില് പോലും ചിന്തിക്കാന് സാധിക്കുന്നില്ല. സര്ക്കാര് കാണിക്കുന്ന കടുത്ത മനുഷ്യാവകാശ ലംഘനത്തെ കൂടുതല് മദ്യപാനികളെ ഉള്പ്പെടുത്തി പ്രതിരോധിക്കാന് തന്നെയാണ് ഇവരുടെ തീരുമാനം.
No comments:
Post a Comment