പാക് തീവ്രവാദികളുടെ ഹിറ്റ്ലിസ്റ്റില് കൊച്ചിയും ഇടംപിടിച്ചതായുള്ള വിവരങ്ങളാണ് എന് ഐ.എ അറസ്റ്റു ചെയ്ത അരുണ് സെല്വരാജില് നിന്നു ലഭിക്കുന്നത്. കൊച്ചി നാവിക സേനാ ആസ്ഥാനത്തിന്റെയും കൊച്ചി തുറമുഖത്തിന്റെയും പത്തു മിനിറ്റോളം വരുന്ന ദൃശ്യങ്ങളാണ് അരുണ് സെല്വരാജിന്റെ ലാപ്ടോപ്പില് നിന്നു അന്വേഷണസംഘം കണ്ടെടുത്തത്. ഇവ ശ്രീലങ്കയിലുള്ള പാക് ഹൈക്കമ്മീഷനിലേക്ക് അയച്ചു കൊടുത്തതായും തെളിഞ്ഞിട്ടുണ്ട്. ചെന്നൈയിലെ എന്എസ്ജി ദക്ഷിണമേഖല ആസ്ഥാനത്തിന്റെ ദൃശ്യങ്ങളും ചിത്രങ്ങളും ഇതിനൊപ്പം അയച്ചിട്ടുണ്ട്. 2008ല് നടന്ന മുംബൈ ഭീകരാക്രമണത്തിന്റെ മാതൃകയില് ദക്ഷിണേന്ത്യയിലെ വിവിധയിടങ്ങളില് ആക്രമണം നടത്തുകയായിരുന്നു ഇവരുടെ ലക്ഷ്യം.
ഭീകരാക്രമണം നടത്താന് പരിശീലനം നേടിയ യുവാക്കള്ക്ക് സ്ഥലം വിശദമായി പഠിക്കുന്നതിനു വേണ്ടിയാണ് ഈ ദൃശ്യങ്ങളും ചിത്രങ്ങളും അയച്ചുകൊടുത്തത്. ഇതിന്റെ അടിസ്ഥാനത്തില് കൊച്ചി, ചെന്നൈ, ബാംഗ്ലൂര് , ഹൈദരബാദ് എന്നിവടങ്ങളില് സുരക്ഷ ശക്തമാക്കാന് രഹസ്യാന്വേഷണ വിഭാഗം നിര്ദേശം മല്കി. അതിനിടെ അരുണിന്റെ കീഴില് പ്രവര്ത്തിക്കുന്ന കൂടുതല് പേര്ക്കായുള്ള തിരച്ചില് അന്വേഷണ സംഘം ഊര്ജിതമാക്കി. ചെന്നൈയില് അരുണ് നടത്തി വരികയായിരുന്ന ഐസ് ഇവന്റ്സ് എന്ന പേരിലുള്ള ഇവന്റ് മാനേജ്മെന്റ് ഗ്രൂപ്പിന്റെ ഫേസ്ബുക്ക് , ട്വിറ്റര് അക്കൗണ്ടുകളും അന്വേഷണസംഘം വിശദമായി പരിശോധിച്ചു വരികയാണ്.
Keywords: National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment