സിപിഎം ജില്ലാ സെക്രട്ടേറിയറ്റ് അംഗത്തിന്റെ കാര്‍ ഡ്രൈവര്‍ കുത്തേററ് മരിച്ചു

കൊട്ടാരക്കര: മുന്‍ വൈരാഗ്യത്തിന്റെ പേരില്‍ യുവാക്കള്‍ തമ്മിലുണ്ടായ സംഘര്‍ഷത്തിനിടെ കുത്തേറ്റ് ഒരാള്‍ മരിച്ചു. ഒരാള്‍ ഗുരുതരാവസ്ഥയിലാണ്. വെട്ടിക്കവല മുട്ടവിള കാഞ്ഞിരംവിള വീട്ടില്‍ ഷാജിമോനാണ് (33) മരിച്ചത്. ഷാജിമോനൊപ്പം ഉണ്ടായിരുന്ന മൂന്നംഗ സംഘത്തിന്റെ കുത്തേറ്റു ചെങ്ങമനാട് പൈങ്ങോട്ട് വീട്ടില്‍ ഷാജി ജോര്‍ജിനെ (37) ഗുരുതരമായ പരുക്കുകളോടെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രണ്ടുപേര്‍ പൊലീസ് കസ്റ്റഡിയിലാണ്. ബുധനാഴ്ച പകല്‍ ഒന്നോടെ ചെങ്ങമനാട് ജംക്ഷനു സമീപമാണു സംഭവം.

സംഭവത്തെക്കുറിച്ചു പൊലീസ് പറയുന്നത്: ഷാജിമോനുള്‍പ്പെട്ട നാലംഗ സംഘം വീട്ടിലെത്തി ഷാജി ജോര്‍ജിനെ വിളിച്ചിറക്കുകയായിരുന്നു. വീടിനു പരിസരത്തെ ഇടവഴിയിലെത്തി ഷാജിമോനും ഷാജി ജോര്‍ജും തമ്മില്‍ സംസാരിച്ചു തുടര്‍ന്നു വാക്കേറ്റമായി. വാക്കേറ്റം കത്തിക്കുത്തില്‍ കലാശിച്ചു.

ഗള്‍ഫിലായിരുന്ന ഷാജി ജോര്‍ജ് പിതാവിന്റെ മരണാനന്തര ചടങ്ങുകളില്‍ പങ്കെടുക്കാന്‍ മൂന്നാഴ്ച മുന്‍പാണു നാട്ടിലെത്തിയത്. ഷാജിമോനും ഷാജി ജോര്‍ജും തമ്മില്‍ പൂര്‍വവൈരാഗ്യം ഉണ്ടായിരുന്നു. കഴിഞ്ഞ ദിവസവും ഇരുവരും തമ്മില്‍ വാക്കേറ്റം ഉണ്ടായി. ഇതെ തുടര്‍ന്നായിരുന്നു ഇന്നലത്തെ സംഭവങ്ങള്‍. മരിച്ച ഷാജിമോന്‍ സിപിഎം ജില്ലാ സെക്രട്ടേറിയറ്റ് അംഗം ആര്‍. സഹദേവന്റെ കാര്‍ ഡ്രൈവറാണ്. സംഭവത്തിനു രാഷ്ട്രീയബന്ധമില്ല. അനീഷ്യയാണു ഭാര്യ. മകന്‍: ശിവ.

Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News