സംഭവത്തിന് ശേഷം അഞ്ച് യുവാക്കള്‍ പോലീസിന്റെ നിരീക്ഷണത്തിലായിരുന്നു. ഇവരില്‍ ഒരാള്‍ നാട്ടില്‍ നിന്ന് അപ്രത്യക്ഷനായതായി പോലീസ് വെളിപ്പെടുത്തി. യുവാവ് ഗള്‍ഫിലേക്ക് കടന്നുവെന്നാണ് പോലീസിന് ലഭിച്ച സൂചന. ചോദ്യം ചെയ്യലിന് വിധേയരായ നാല് യുവാക്കളോടുംആവശ്യപ്പെടുന്ന ഘട്ടത്തില്‍ സ്റ്റേഷനില്‍ ഹാജരാകാന്‍ നിര്‍ദ്ദേശിച്ചിട്ടുണ്ട്.
കേസന്വേഷണത്തിന് ഹൊസ്ദുര്‍ഗ് പ്രിന്‍സിപ്പള്‍ എസ് കെ ബിജുലാലിന്റെ നേതൃത്വത്തില്‍ പ്രത്യേക സ്‌ക്വാഡിന് കാഞ്ഞങ്ങാട് ഡി വൈ എസ് പി കെ ഹരിശ്ചന്ദ്രനായക് രൂപം നല്‍കി. തീവെപ്പ് സംഭവത്തില്‍ പോലീസ് സംശയിക്കുന്നവരുടെ മൊബൈല്‍ ഫോണ്‍ കോളുകള്‍ സൈബര്‍ സെല്ലിന്റെ സഹായത്തോടെ പരിശോധിച്ച് വരികയാണ്.
പോലീസ് നിരീക്ഷണത്തിലായിരുന്ന യുവാവ് സംഭവത്തിന് ശേഷം നാട്ടില്‍ നിന്ന് മുങ്ങിയത് പോലീസില്‍ കൂടുതല്‍ സംശയം ജനിപ്പിച്ചിട്ടുണ്ട്.
അരയിലെ ഇരുമതത്തില്‍പ്പെട്ട യുവതി യുവാക്കള്‍ പ്രണയ ബദ്ധരായി വിവാഹം കഴിച്ചതിലുള്ള പ്രകോപനമാണ് യൂസഫ് ഹാജിയുടെ വീടിന് നേരെ നടന്ന അക്രമത്തിന് പിന്നിലെന്നാണ് പോലീസിന്റെ ഇപ്പോഴത്തെ നിഗമനം. നാട്ടില്‍ നിന്നും മുങ്ങിയ യുവാവ്, യുവതിയുടെ അടുത്ത ബന്ധുകൂടിയാണെന്ന് പോലീസ് പറഞ്ഞു.
No comments:
Post a Comment