പരുക്കേറ്റ രണ്ട് കശ്മീര്‍ സ്വദേശികളെ ജിസാനിലെ കിങ് ഫഹദ് ആശുപത്രിയില്‍ പ്രവേശിപ്പിച്ചു. ഇതില്‍ ഒരാളുടെ നില ഗുരുതരമാണ്. ജിസാനില്‍നിന്നും 70 കിലോമീറ്റര്‍ അകലെയുള്ള സാംതയില്‍ ഒട്ടേറെ മലയാളികള്‍ ജോലി ചെയ്തുവരുന്നു. കഴിഞ്ഞ ദിവസവും ഇവിടെ നടന്ന ആക്രമണത്തില്‍ മലയാളിയടക്കം മൂന്നുപേര്‍ മരിച്ചിരുന്നു.
യെമനിലെ ഹൂതി വിമതര്‍ക്കെതിരായ പോരാട്ടം സൗദി അറേബ്യയുടെ നേതൃത്വത്തിലുള്ള സഖ്യസേന ശക്തമാക്കിയതിനെ തുടര്‍ന്ന് ഹൂതി വിമതരും തിരിച്ചടിക്കാന്‍ ആരംഭിച്ചിരുന്നു. ഇതിന്റെ ഭാഗമായി സൗദിയെമന്‍ അതിര്‍ത്തിയിലുള്ള ജിസാന്‍ ഹൂതി വിമതര്‍ പിടിച്ചെടുത്തതായി റിപ്പോര്‍ട്ടുകളുണ്ടായിരുന്നു. ഇതിന് പിന്നാലെയാണ് ഇവിടെയുണ്ടായ ആക്രമണത്തില്‍ ഒരു മലയാളി കൂടി കൊല്ലപ്പെട്ടിരിക്കുന്നത്.
Keywords: Gulf News, Kerala Vartha, Malabarflash, Malabar news, Malayalam News
No comments:
Post a Comment