ഭര്‍തൃമതിയുടെ വീട്ടില്‍ അര്‍ദ്ധരാത്രിയിലെത്തിയ പോലീസുകാരന്‍ പിടിയില്‍

പയ്യന്നൂര്‍:[www.malabarflash.com] അന്നൂരിലെ ഭര്‍തൃമതിയുടെ വീട്ടില്‍ അര്‍ദ്ധരാത്രിയില്‍ കണ്ടെത്തിയ കാസര്‍കോട് എ ആര്‍ ക്യാമ്പിലെ പോലീസുകാരനെ പയ്യന്നൂര്‍പോലീസ് കസ്റ്റഡിയിലെടുത്തു.

പടന്നക്കാട് നെഹ്‌റു കോളേജില്‍ തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ടയാളാണ് പോലീസുകാരന്‍. വെളളിയാഴ്ച രാത്രി ഡ്യൂട്ടിക്കിടെ മുങ്ങിയ ഇയാളെ പയ്യന്നൂര്‍ അന്നൂരിലെ യുവതിയുടെ വീട്ടില്‍ നാട്ടുകാര്‍ തടഞ്ഞ് വെക്കുകയും വിവരമറിഞ്ഞെത്തിയ പയ്യന്നൂര്‍ പോലീസ് ഇയാളെ കസ്റ്റഡിയിലെടുക്കുകയും ചെയ്തു.

യുവതിയുമായുള്ള പോലീസുകാരന്റെ അടുപ്പം ശ്രദ്ധയില്‍പെട്ട ഭര്‍ത്താവ് ഒരാഴ്ച മുമ്പ് തന്നെ പോലീസുകാരനെതിരെ പോലീസില്‍ പരാതി നല്‍കിയിരുന്നു. യുവതിയുടെ കോള്‍ ലിസ്റ്റ് സംഘടിപ്പിച്ചാണ് ഭര്‍ത്താവ് പോലീസിലെത്തിയത്.




Keywords: Kannur News, Kerala Vartha, Malabarflash, Malabar news, Malayalam News