കീഴൂരില്‍ തോണികളില്‍ നിന്ന് എഞ്ചിനുകള്‍ മോഷ്ടിച്ചു

കീഴൂര്‍:[www.malabarflash.com] മത്സ്യബന്ധന തോണിയില്‍ നിന്ന് എഞ്ചിനുകള്‍ മോഷ്ടിച്ചു. കീഴൂരില്‍ ചന്ദ്രഗിരിപ്പുഴയില്‍ തീരത്തായി നിര്‍ത്തിയിട്ടിരുന്ന രണ്ട് തോണികളില്‍ നിന്നാണ് സുസുകി, യമഹ എഞ്ചിനുകള്‍ മോഷ്ടിച്ചത്.

ദേളി തായത്തൊടിയിലെ നാരായണന്‍, സീതാരാമ എന്നിവരുടെ ഉടമസ്ഥതയിലുള്ള തോണികളില്‍ നിന്നാണ് എഞ്ചിനുകള്‍ കാണാതായത്. രണ്ടിനും കൂടി 2.35 ലക്ഷം രൂപ വില വരും. പരാതിയെത്തുടര്‍ന്ന് ബേക്കല്‍ പൊലീസെത്തി അന്വേഷണമാരംഭിച്ചു. 

തോണികളില്‍ നിന്ന് വ്യാപകമായി എണ്ണ, എഞ്ചിന്‍, ട്രാന്‍സ്ഫര്‍ പമ്പ്, ബാറ്ററി തുടങ്ങിയവ മോഷണം പോകുന്നതായി മത്സ്യതൊഴിലാളികള്‍ പരാതിപ്പെട്ടു.

Keywords: Kasaragod News, Kerala Vartha, Malabarflash, Malabar news, Malayalam News