തെക്കില്‍ ദേശീയ പാതയില്‍ ബസ് മറിഞ്ഞ് നിരവധി പേര്‍ക്ക് പരിക്ക്

ചട്ടഞ്ചാല്‍:[www.malabarflash.com] തെക്കില്‍ ദേശീയ പാതയില്‍ ബസ് മറിഞ്ഞ് നിരവധി പേര്‍ക്ക് പരിക്കേറ്റു. ആരുടേയും പരിക്ക് ഗുരുതരമല്ല. ബുധനാഴ്ച രാവിലെ ഒമ്പത് മണിയോടെയാണ് അപകടമുണ്ടായത്. കാഞ്ഞങ്ങാട് നിന്നും ഉദുമ ചട്ടഞ്ചാല്‍ വഴി കാസര്‍കോട്ടേക്ക് പോവുകയായിരുന്ന ചൈത്ര ബസ്സാണ് നിയന്ത്രണംവിട്ട് മറിഞ്ഞത്. നിയന്ത്രണംവിട്ട ബസ് ലോറിയുടെ പിറകിലിടിച്ചശേഷമാണ് റോഡരികിലേക്ക് മറിയുകയായിരുന്നു.

അപകടവിവരമറിഞ്ഞ് കുതിച്ചെത്തിയ വിദ്യാനഗര്‍ പോലീസും കാസര്‍കോട് ഫയര്‍ഫോഴ്‌സും നാട്ടുകാരുംചേര്‍ന്നാണ് ബസിനുള്ളില്‍ കുടുങ്ങിയവരെ പുറത്തെടുത്തത്. പരിക്കേറ്റവരെ ചട്ടഞ്ചാലിലെയും കാസര്‍കോട്ടെയും ആശുപത്രികളില്‍ പ്രവേശിപ്പിച്ചിരിക്കുകയാണ്.

പരിക്കേറ്റവരില്‍ ഭൂരിഭാഗംപേരും വിവിധ സ്‌കൂളുകളിലും കോളജുകളിലും പഠിക്കുന്ന വിദ്യാര്‍ത്ഥികളാണ്. അപകടത്തെതുടര്‍ന്ന് കുറച്ച് നേരം ദേശീയപാതയില്‍ ഗതാഗതവും തടസ്സപ്പെട്ടു.

Keywords: Kerala News, Kerala Vartha, Malabarflash, Malabar news, Malayalam News