വിവാഹശേഷം വേളാങ്കണ്ണിയിലേക്ക് യാത്ര പോയതായിരുന്നു നവദമ്പതികള്. വേളാങ്കണ്ണിയിലേക്ക് ട്രെയിനില് പോയ ഇവര് തിരികെ വരാന് ബസ് ബുക്ക് ചെയ്യുകയായിരുന്നു. ആ യാത്രയാണ് ഇരുവരേയും മരണത്തില് ഒന്നിക്കാന് തള്ളിവിട്ടത്. അപകടത്തില് മരിച്ച അഞ്ചു മലയാളികളില് അവസാനമാണ് ഇവരെ തിരിച്ചറിയാനായത്.
അപകടസ്ഥലത്തുതന്നെ മരിച്ച ഇവരെ തിരിച്ചറിയാന് ബന്ധുക്കള് ബുദ്ധിമുട്ടി. ആന്സിയുടെ കൈയ്യിലെ വിവാഹ മോതിരം കണ്ട് സഹോദരനാണ് ആദ്യം ആന്സിയെ തിരിച്ചറിഞ്ഞത്. എന്നാല് വിനോദിനെ തിരിച്ചറിയാന് പിന്നെയും വൈകി. തിരിച്ചറിയാനാകാത്തവിധം വികൃതമായിരുന്നു വിനോദിന്റെ മുഖം. വിനോദിന്റെ കൈയ്യിലെ മോതിരത്തില് കൊത്തിയ ആന്സിയുടെ പേരാണ് വിനോദിനെ തിരിച്ചറിയാന് ഇടയാക്കിയത്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment