ചോര്‍ച്ച: സൈഡ് കര്‍ട്ടനും വൈപ്പറുമില്ല; എട്ട് ബസുകള്‍ക്കെതിരെ കേസെടുത്തു

കാസര്‍കോട്: [www.malabarflash.com] കാലവര്‍ഷമാരംഭിച്ചതോടെ ചോര്‍ന്നൊലിക്കുന്നതും വൈപ്പറും ലൈറ്റുകളുമില്ലാത്തതുമായ ബസുകള്‍ക്കെതിരെ ആര്‍.ടി.ഒ അധികൃതര്‍ നടപടി തുടങ്ങി. ആര്‍.ടി.ഒയുടെ നിര്‍ദ്ദേശപ്രകാരം നടത്തിയ മണ്‍സൂണ്‍ ചെക്കിംഗിലാണ് എട്ട് ബസുകള്‍ക്കെതിരെ മോട്ടോര്‍ വാഹന വകുപ്പ് സുരക്ഷാ കുറവിന് കേസെടുത്തത്. കീറിയ സൈഡ് കര്‍ട്ടണ്‍, കൃത്യമായി പ്രവര്‍ത്തിക്കാത്ത വൈപ്പറും ലൈറ്റുകളും, തടസ്സമുള്ളതും ദ്രവിച്ചു തുടങ്ങിയതുമായ ചവിട്ടുപടികള്‍, തേയ്മാനമുണ്ടായ ടയര്‍ തുടങ്ങിയവ മുതല്‍ ചോര്‍ന്നൊലിക്കുന്ന റൂഫ്‌ടോപ് വരെയുള്ള ബസുകള്‍ക്കെതിരെയാണ് നടപടി. എ.എം.വി.ഐമാരായ പി.പി കൃഷ്ണകുമാര്‍, വത്സരാജ്, ചന്ദ്രകുമാര്‍ എന്നിവര്‍ പരിശോധനക്ക് നേതൃത്വം നല്‍കി. മഴക്കാല പരിശോധന വരും ദിവസങ്ങളില്‍ കൂടുതല്‍ കര്‍ശനമാക്കുമെന്ന് ആര്‍.ടി.ഒ സാദിഖ് അലി അറിയിച്ചു.

Keywords: Kerala News, Kerala Vartha, Malabarflash, Malabar news, Malayalam News