കാറും ബൈക്കും കൂട്ടിയിടിച്ച് എഞ്ചിനീയറിംഗ് വിദ്യാര്‍ത്ഥിക്ക് ഗുരുതരം

കാസര്‍കോട്: [www.malabarflash.com] കാറും ബൈക്കും കൂട്ടിയിടിച്ച് എഞ്ചിനീയറിംഗ് വിദ്യാര്‍ത്ഥിക്ക് ഗുരുതരമായി പരിക്കേറ്റു.ഇരിയ പൊടവടുക്കത്തെ ദേവീകൃപയില്‍ എം. രാധാകൃഷ്ണന്റെയും കെ. വസന്തയുടെയും മകന്‍ എം.ആര്‍. മിഥുന്‍ കൃഷ്ണ(20) നാണ് പരിക്കേറ്റത്. മംഗലാപുരം ശ്രീനിവാസ എഞ്ചിനീയറിങ്ങ് കോളേജില്‍ മെക്കാനിക്കല്‍ എഞ്ചിനീയറിംഗ് വിദ്യാര്‍ത്ഥിയാണ്. ഞായറാഴ്ച മംഗലാപുരത്താണ് അപകടം നടന്നത്. മിഥുനെ മംഗലാപുരം പടീലിലെ ആസ്പത്രിയില്‍ പ്രവേശിപ്പിച്ചു. അപകടനില തരണം ചെയ്തിട്ടില്ല. 

നാലാം സെമസ്റ്റര്‍ പരീക്ഷ എഴുതാനുള്ള തയ്യാറെടുപ്പിലായിരുന്നു മിഥുന്‍. കൂട്ടുകാരന്റെ വീട്ടില്‍ പോയി പഠിച്ച് കോളേജ് ഹോസ്റ്റലിലേക്ക് ബൈക്കില്‍ മടങ്ങുമ്പോഴാണ് അപകടം നടന്നത്. പെട്ടെന്ന് റോഡില്‍ തിരിച്ച കാര്‍ ബൈക്കില്‍ ഇടിക്കുകയായിരുന്നു.

Keywords: Accident, Injured, bike, car, Kasaragod, Kerala News, Kerala Vartha, Malabarflash, Malabar news, Malayalam News