നിലമ്പൂരിൽ മാനഹാനി ഭയന്ന്​ അമ്മ കുഞ്ഞി​നെ കൊന്ന്​ കുഴിച്ചു മൂടി

നിലമ്പൂർ: [www.malabarflash.com] ചാലിയാർ പഞ്ചായത്തിൽ അവിഹിത ഗർഭത്തിലൂടെയുണ്ടായ നവജാത ശിശുവിനെ ആദിവാസി യുവതി കഴുത്ത ഞെരിച്ചുകൊന്ന്​ ​ കുഴിച്ചുമൂടി. രണ്ട്​ വർഷം മുമ്പ്​ ഭർത്താവ്​ മരിച്ച യുവതി ഒരാഴ്​ച മുമ്പാണ്​ പെൺകുഞ്ഞിന്​ ജൻമം നൽകിയത്​. അൽപ ദിവസംമുമ്പ്​ ആശുപത്രിയിൽ നിന്ന്​ വീട്ടിലെത്തിയ സ്​ത്രീയുടെ കുഞ്ഞിനെ കഴിഞ്ഞ ദിവസം കാണാതാവുകയും ഇത്​ ശ്രദ്ധയിൽ പെട്ടതിനെ തുടർന്ന്​ നാട്ടുകാർ പോലീസിൽ പരാതിപ്പെടുകയുമായിരുന്നു. കുഞ്ഞിനെ കൊന്ന്​ വീടിന്​ സമീപമുള്ള നായാടംപൊയിൽ എന്ന സ്​ഥലത്ത്​ കുഴിച്ചിടുകയായിരുന്നെന്നാണ്​ പൊലീസ്​ പറയുന്നത്​. സംഭവത്തെ തുടർന്ന്​ യുവതിയെയും കാമുകനെയും പൊലീസ്​ കസ്​റ്റഡിയിലെടുത്തു.

Keywords: Infant child, Malappuram, Murder, Killed, Mother, Child, Kerala,Kerala News, Kerala Vartha, Malabarflash, Malabar news, Malayalam News