പയ്യന്നൂരില്‍ സിപിഎം പ്രവര്‍ത്തകന്‍ വെട്ടേറ്റു മരിച്ചു

പയ്യന്നൂര്‍:[www.malabarflash.com] കുന്നരു കാരന്താട്ട് സിപിഎം പ്രവര്‍ത്തകന്‍ വെട്ടേറ്റു മരിച്ചു. പരേതനായ മന്ദ്യത്ത് കൃഷ്ണന്റെയും തൂളേരി വീട്ടില്‍ മാധവിയുടെയും മകന്‍ സി.വി. ധനരാജ് (42) ആണു മരിച്ചത്. തിങ്കളാഴ്ച രാത്രി 11 മണിയോടെ ധനരാജിന്റെ വീട്ടുമുറ്റത്തായിരുന്നു സംഭവം.

ബൈക്കില്‍ വന്നിറങ്ങിയ ധനരാജ് വീട്ടിലേക്കു കയറുന്നതിനിടെ മൂന്നു ബൈക്കുകളില്‍ എത്തിയ സംഘം വെട്ടി വീഴ്ത്തുകയായിരുന്നു. ഓടിക്കൂടിയ നാട്ടുകാര്‍ ധനരാജിനെ പരിയാരം മെഡിക്കല്‍ കോളജ് ആശുപത്രിയിലെത്തിച്ചെങ്കിലും മരിച്ചു. 

ഡിവൈഎഫ്‌ഐ മുന്‍ വില്ലേജ് സെക്രട്ടറിയാണ് കൊല്ലപ്പെട്ട ധന്‍രാജ്. കൊലപാതകത്തിനു പിന്നില്‍ ആര്‍എസ്എസാണെന്ന് സിപിഎം നേതൃത്വം ആരോപിച്ചു.

സജിനിയാണ് ഭാര്യ. രണ്ടു മക്കളുണ്ട്. സോഹദരങ്ങള്‍: മണി, നളിനി

Keywords: Kannur News, Kerala Vartha, Malabarflash, Malabar news, Malayalam News