കണ്ണൂരിലെ ബോംബേറില്‍ വ്യാപക പ്രതിഷേധം; വടകരയിലും നാദാപുരത്തും ബിജെപി ഓഫീസുകള്‍ക്ക് നേരെ ആക്രമണം

കണ്ണൂര്‍: തലശ്ശേരിയില്‍ കോടിയേരി ബാലകൃഷ്ണന്‍ സംസാരിച്ച വേദിക്കരികെ ബോംബെറിഞ്ഞ സംഭവത്തില്‍ പ്രതിഷേധിച്ച് കോഴിക്കോട് ജില്ലയില്‍ ഡിവൈഎഫ്‌ഐയുടെ വ്യാപക പ്രതിഷേധം. ഡിവൈഎഫ്‌ഐ പ്രതിഷേധത്തിനിടെ വടകര കോട്ടപ്പള്ളിയില്‍ ബിജെപി ഓഫീസിന് ഒരു സംഘം ആക്രമിച്ചു. നാദാപുരം ഇരിങ്ങണ്ണൂരിലെ ബിജെപി ഓഫീസിനും പ്രതിഷേധക്കാര്‍ തീയിട്ടു. അക്രമത്തിന് പിന്നില്‍ ഡിവൈഎഫ്‌ഐ പ്രവര്‍ത്തകരാണെന്ന് ബിജെപി ആരോപിച്ചു. [www.malabarflash.com]

സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പങ്കെടുത്ത പൊതുപരിപാടി അലങ്കോലപ്പെടുത്താന്‍ ആര്‍എസ്എസ് നടത്തിയ ബോംബാക്രമണത്തെ പാര്‍ട്ടി സംസ്ഥാന സെക്രട്ടേറിയറ്റ് ശക്തമായി അപലപിച്ചു. അതേസമയം, കോടിയേരി ബാലകൃഷ്ണന്‍ പങ്കെടുത്ത പൊതുയോഗത്തിന് നേരെ ബോംബെറിഞ്ഞ ആര്‍എസ്എസ് കാടത്തത്തിനെതിരെ ശക്തമായ പ്രതിഷേധം ഉയര്‍ത്തിക്കൊണ്ട് വരാന്‍ സിപിഐഎം ജില്ലാ സെക്രട്ടറിയേറ്റും ആഹ്വാനം ചെയ്തു.

നാട്ടില്‍ അക്രമം വ്യാപിപ്പിക്കാനുള്ള സംഘപരിവാര്‍ നീക്കത്തിനെതിരെ ജാഗ്രതപുലര്‍ത്താനും പ്രകോപനങ്ങളില്‍ വശംവദരാകാതെ സമാധാനപരമായ പ്രതിഷേധം സംഘടിപ്പിക്കുവാനും മുഴുവന്‍ പാര്‍ടി സഖാക്കളോടും ജനങ്ങളോടും സിപിഐഎം സംസ്ഥാന സെക്രട്ടേറിയറ്റ് അഭ്യര്‍ത്ഥിച്ചു. സമാധാനകാംക്ഷികളായ മുഴുവന്‍ ജനങ്ങളും ആര്‍എസ്എസിന്റെ ഇത്തരം അക്രമണങ്ങള്‍ക്കെതിരെ ഒറ്റക്കെട്ടായി അണിനിരക്കണമെന്ന് ജില്ലാ സെക്രട്ടറിയേറ്റും അഭ്യര്‍ത്ഥിച്ചിട്ടുണ്ട്.

Keywords: Kannur, Kerala, Clash, BJP, CPM, Bomb, Attack, Kerala News, Kerala Vartha, Malabarflash, Malabar news, Malayalam News