സംഭവത്തോടനുബന്ധിച്ച് പൊത്തപ്പള്ളി ആഞ്ജനേയം വീട്ടില്‍ (താമല്ലാക്കല്‍ തെക്ക് പദ്മാലയം വീട്ടില്‍ വാടകക്ക് താമസിക്കുന്ന) സന്ദീപിനെ (20) ഹരിപ്പാട് പോലീസ് അറസ്റ്റുചെയ്തു. കുത്താനുപയോഗിച്ച കത്തി വാങ്ങിയത് ഓണ്‍ലൈന്‍ വഴിയാണെന്നും കണ്ടെത്തി.
24ന് വൈകീട്ട് 5.30ഓടെ കരുവാറ്റ തൈവീട് ജങ്ഷന് കിഴക്കുവശമായിരുന്നു സംഭവം. മുന്‍വൈരാഗ്യത്തെ തുടര്‍ന്ന് വാക്ക് തര്‍ക്കം ഉണ്ടാവുകയും കൈയാങ്കളിയില്‍ കലാശിക്കുകയുമായിരുന്നു. ഇതിനിടയില്‍ വാഴക്കൂട്ടത്തിലേക്കു വീണ ഉല്ലാസിനെ കൈയിലുണ്ടായിരുന്ന കത്തി ഉപയോഗിച്ച് സന്ദീപ് കുത്തുകയായിരുന്നു.
നെഞ്ചിനും കൈക്കുമായി ഇരുപത്തിയഞ്ചോളം കുത്തുകളേറ്റ ഉല്ലാസിനെ ആദ്യം വണ്ടാനം മെഡിക്കല്‍ കോളജ് ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചു.
ചൊവ്വാഴ്ച വൈകീട്ട് 5.20 ഓടെയാണ് മരിച്ചത്. സംഭവത്തിനുശേഷം ഉല്ലാസിന്റെ സ്‌കൂട്ടറില്‍ പ്രതി സന്ദീപ് ഹരിപ്പാട് പോലീസ് സ്‌റ്റേഷനില്‍ ഹാജരാവുകയായിരുന്നു. പ്രദേശവാസികളാണ് ഉല്ലാസിനെ ആശുപത്രിയിലെത്തിച്ചത്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment