മനസ്സും ശരീരവും തളര്‍ന്ന് മേടച്ചൂടില്‍ അവശനായി ഇരിക്കുമ്പോഴാണ് ലിറ്റില്‍ ഫഌര്‍ ഗവ. ഹയര്‍ സെക്കന്‍ഡറി സ്‌കൂളില്‍നിന്നൊരു കോള്‍. മറുതലയില്‍നിന്ന് കേട്ടത് ഒരു പഴ്‌സ് കിട്ടിയിട്ടുണ്ടെന്ന വിവരം. ഉടന്‍ സ്‌കൂളിലെത്തി. അപ്പോഴേക്കും ഹൊസ്ദുര്‍ഗ് സ്‌റ്റേഷനില്‍നിന്ന് പോലീസുകാരും എത്തിയിരുന്നു. സ്വര്‍ണം ഹസൈനാര്‍ മുസ്‌ല്യാരുടെതുതന്നെ. പോലീസും ഉറപ്പുവരുത്തി. സ്വര്‍ണം വിറയാര്‍ന്ന കൈകളാല്‍ ഏറ്റുവാങ്ങുമ്പോള്‍ വീണ്ടുമൊരിക്കല്‍ക്കൂടി ഹസൈനാര്‍ മുസ്‌ല്യാരുടെ കണ്ണു നിറഞ്ഞു.
ലിറ്റില്‍ ഫഌര്‍ സ്‌കൂളിലെ പ്രിന്‍സിപ്പല്‍ സിസ്റ്റര്‍ ബിന്ദു ഇടത്തട്ടയും ഹെല്പര്‍ കല്ലംചിറയിലെ പി.ശൈലയും പുതിയകോട്ട ജങ്ഷനില്‍നിന്ന് നടന്നുവരുമ്പോഴാണ് പഴ്‌സ് കണ്ടത്. കമ്മലും മാലയുമൊക്കെ പഴ്‌സിലുണ്ടെന്ന് അറിഞ്ഞതോടെ ഉടമയെ കണ്ടെത്താനുള്ള ശ്രമം നടത്തി. പഴ്‌സിന്റെ പുറത്തുള്ള ജ്വല്ലറിയില്‍ വിളിച്ചാണ് സ്‌കൂളുകാര്‍ സ്വര്‍ണത്തിന്റെ ഉടമസ്ഥനെ കണ്ടെത്തിയത്. പ്രിന്‍സിപ്പലിന്റെ സാന്നിധ്യത്തില്‍ ഹെല്പര്‍ ശൈല ഹസൈനാര്‍ക്ക് സ്വര്‍ണം കൈമാറി. സിവില്‍ പോലീസ് ഓഫീസര്‍മാരായ ടി.സി.ഖലീഫ്, ജി.ബിജു, കെ.ഉണ്ണികൃഷ്ണന്‍ എന്നിവരും സംബന്ധിച്ചു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment