കണ്ണൂർ: വീട്ടുപറന്പിൽ കൃഷിപ്പണിയിലേർപ്പെട്ടിരുന്ന ഗൃഹനാഥൻ ഷോക്കേറ്റ് മരിച്ചു. ഏരുവേശി പഞ്ചായത്തിൽപ്പെട്ട ഏറ്റുപാറയ്ക്കടുത്ത് കോട്ടക്കുന്ന് കുഴിക്കാട്ടുമലയിലെ ചക്കാങ്കൽ അഗസ്റ്റിൻ (ജോണി-53) ആണ് മരിച്ചത്. ബുധനാഴ്ച വൈകുന്നേരം മൂന്നോടെയായിരുന്നു സംഭവം.[www.malabarflash.com]
അയൽവാസിയുടെ വീട്ടിലേക്ക് വൈദ്യുതി എത്തിക്കാൻ ലൈൻ വലിച്ചിരുന്നത് ജോണിയുടെ പുരയിടത്തിലൂടെയായിരുന്നു. അയൽവാസി താമസം മാറിയതോടെ ആൾത്താമസമില്ലാതായ വീട്ടിലേക്കുള്ള വൈദ്യുതിബന്ധം ഒഴിവാക്കിയിരുന്നെങ്കിലും ലൈനിലെ വൈദ്യുതി വിച്ഛേദിച്ചിരുന്നില്ല.
പുരയിടത്തിൽ കൃഷിപ്പണി ചെയ്തുകൊണ്ടിരിക്കെ ജോണിയുടെ കൈവശമുണ്ടായിരുന്ന ഇരുന്പ്പിടിയുള്ള തൂന്പ കാടുകൾക്കിടയിൽ പൊട്ടിവീണുകിടന്ന ലൈൻ കന്പിയിൽ അബദ്ധത്തിൽ തട്ടിയാണ് ഷോക്കേറ്റത്. സംഭവം കാണാനിടയായ ഭാര്യയുടെ നിലവിളി കേട്ട് ഓടിയെത്തിയ അയൽവാസികൾ ഉടൻതന്നെ പയ്യാവൂരിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
അയൽവാസിയുടെ വീട്ടിലേക്ക് വൈദ്യുതി എത്തിക്കാൻ ലൈൻ വലിച്ചിരുന്നത് ജോണിയുടെ പുരയിടത്തിലൂടെയായിരുന്നു. അയൽവാസി താമസം മാറിയതോടെ ആൾത്താമസമില്ലാതായ വീട്ടിലേക്കുള്ള വൈദ്യുതിബന്ധം ഒഴിവാക്കിയിരുന്നെങ്കിലും ലൈനിലെ വൈദ്യുതി വിച്ഛേദിച്ചിരുന്നില്ല.
പുരയിടത്തിൽ കൃഷിപ്പണി ചെയ്തുകൊണ്ടിരിക്കെ ജോണിയുടെ കൈവശമുണ്ടായിരുന്ന ഇരുന്പ്പിടിയുള്ള തൂന്പ കാടുകൾക്കിടയിൽ പൊട്ടിവീണുകിടന്ന ലൈൻ കന്പിയിൽ അബദ്ധത്തിൽ തട്ടിയാണ് ഷോക്കേറ്റത്. സംഭവം കാണാനിടയായ ഭാര്യയുടെ നിലവിളി കേട്ട് ഓടിയെത്തിയ അയൽവാസികൾ ഉടൻതന്നെ പയ്യാവൂരിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
Keywords: Kannur News, Kerala Vartha, Malabarflash, Malabar news, Malayalam News
No comments:
Post a Comment