സംസ്കാരം മെറീന ബീച്ചിൽ നടത്തുന്നതു സംബന്ധിച്ച് സർക്കാരുമായുള്ള തർക്കത്തെത്തുടർന്ന് ഡിഎംകെ ഹൈക്കോടതിയെ സമീപിക്കുകയായിരുന്നു. രാത്രിയിൽ വാദം കേട്ട കോടതി ഇതിൽ വിധി പറയുന്നത് ഇന്ന് രാവിലത്തേക്ക് മാറ്റുകയായിരുന്നു.
മറീനയിലെ സംസ്കാര ചടങ്ങുകൾ സംബന്ധിച്ച് സമർപ്പിക്കപ്പെട്ടിരുന്ന ആറ് ഹർജികളും ചൊവ്വാഴ്ച രാത്രിയോടെ തന്നെ പിൻവലിക്കപ്പെട്ടിരുന്നു. എന്നാൽ ട്രാഫിക് രാമസ്വാമി ഹർജി പിൻവലിച്ചിരുന്നില്ല. ഇതേത്തുടർന്ന് രാമസ്വാമിയോട് ഹർജി പിൻവലിക്കുന്നുവെന്ന് എഴുതിനൽകാൻ കോടതി ആവശ്യപ്പെടുകയായിരുന്നു. ആക്ടിംഗ് ചീഫ് ജസ്റ്റീസ് ഹുലുവാദി ജി.രമേഷ് അധ്യക്ഷനായ രണ്ടംഗ ബെഞ്ചാണ് ഡിഎംകെയുടെ ഹർജി പരിഗണിച്ചത്.
കരുണാനിധിയെ സംസ്കരിക്കാൻ മറീന ബീച്ചിനു പകരം ഗിണ്ടിയിൽ ഗാന്ധി സ്മൃതി മണ്ഡപത്തിനു സമീപം രണ്ടേക്കർ സ്ഥലം നൽകാമെന്നായിരുന്നു സർക്കാർ നിലപാട്. ഈ നിലപാട് പുറത്തു വന്നതിനു പിന്നാലെ കാവേരി ആശുപത്രിക്കു മുന്നിൽ മറീനയിൽ തന്നെ സംസ്കാരം നടത്തണമെന്ന് ആവശ്യപ്പെട്ട് ഡിഎംകെ പ്രവർ‌ത്തകർ പ്രതിഷേധമുയർത്തിരുന്നു. സംസ്ഥാനത്തിന്‍റെ വിവിധ ഭാഗങ്ങളിൽ സർക്കാർ നിലപാടിനെതിരെ ഡിഎംകെ അനുകൂലികൾ പ്രതിഷേധവുമായി രംഗത്തെത്തിയിരുന്നു.
മറീനാ ബീച്ചിൽ അണ്ണാ സമാധിക്കു സമീപം അന്ത്യവിശ്രമസ്ഥലം ഒരുക്കണമെന്നായിരുന്നു കരുണാനിധിയുടെ മക്കളും കുടുംബാംഗങ്ങളും ആവശ്യപ്പെട്ടിരുന്നത്. ഇതായിരുന്നു അദ്ദേഹത്തിന്‍റെ ആഗ്രഹമെന്നും കുടുംബാംഗങ്ങൾ സർക്കാരിനെ അറിയിച്ചിരുന്നു. എന്നിരുന്നാലും നിലപാടിൽ വിട്ടുവീഴ്ചയില്ലെന്നായിരുന്നു മുഖ്യമന്ത്രി എടപ്പാടി കെ.പളനിസ്വാമി വ്യക്തമാക്കിയത്
No comments:
Post a Comment