പെരിയ ഇരട്ടക്കൊല: കൊല്ലപ്പെട്ടവരുടെ കുടുംബത്തിന്​ നീതി ലഭിക്കുമെന്ന്​ രാഹുൽ

പെ​രി​യ: കേ​ന്ദ്ര​ത്തി​ൽ കോ​ൺ​ഗ്ര​സ് സ​ർ​ക്കാ​ർ അ​ധി​കാ​ര​ത്തി​ൽ വ​ന്നാ​ൽ പെ​രി​യ ഇ​ര​ട്ട​ക്കൊ​ല​പാ​ത​ക കേ​സി​ൽ സി.​ബി.​ഐ അ​ന്വേ​ഷ​ണ​ത്തി​ന് ഉ​ത്ത​ര​വി​ടു​മെ​ന്ന്​ എ.​ഐ.​സി.​സി അ​ധ്യ​ക്ഷ​ൻ രാ​ഹു​ൽ ഗാ​ന്ധി.[www.malabarflash.com]

ക​ല്യോ​ട്ട് കൊ​ല്ല​പ്പെ​ട്ട യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രാ​യ കൃ​പേ​ഷിന്റെ വീ​ട്ടി​ലെ​ത്തി​യ രാ​ഹു​ൽ ഗാ​ന്ധി കു​ടും​ബാം​ഗ​ങ്ങ​ൾ​ക്കാ​ണ്​ ഇ​തു​സം​ബ​ന്ധി​ച്ച്​ ഉ​റ​പ്പു​ന​ൽ​കി​യ​ത്.

കൊ​ല​പാ​ത​ക​ത്തെ​ക്കു​റി​ച്ച് നി​ല​വി​ൽ ന​ട​ക്കു​ന്ന ക്രൈം​ബ്രാ​ഞ്ച്​ അ​ന്വേ​ഷ​ണ​ത്തി​ൽ വി​ശ്വാ​സ​മി​ല്ലെ​ന്ന്​ കൃ​പേ​ഷിന്റെ അ​ച്ഛ​ൻ കൃ​ഷ്​​ണ​ൻ രാ​ഹു​ൽ ഗാ​ന്ധി​യോ​ട്​ പ​റ​ഞ്ഞു. ഈ  ​അ​ന്വേ​ഷ​ണ​ത്തി​ൽ യ​ഥാ​ർ​ഥ​പ്ര​തി​ക​ളെ​യും ഗൂ​ഢാ​ലോ​ച​ന​ക്കാ​രെ​യും ക​ണ്ടെ​ത്താ​നാ​വി​ല്ല. കൊ​ല​യാ​ളി​സം​ഘ​ങ്ങ​ൾ​ക്ക്​ സാ​മ്പ​ത്തി​ക​സ​ഹാ​യം ന​ൽ​കി​യ​വ​ർ ഉ​ൾ​പ്പെ​ടെ പു​റ​ത്ത്​ സ്വൈ​ര്യ​ജീ​വി​തം ന​ട​ത്തു​ക​യാ​ണ്. അ​തി​നാ​ൽ സി.​ബി.ഐ അ​ന്വേ​ഷ​ണം വേ​ണ​മെ​ന്ന ആ​വ​ശ്യം കൃ​ഷ്ണ​ൻ ഉ​ന്ന​യി​ച്ചു. ഇ​തി​ന് മ​റു​പ​ടി​യാ​യാ​ണ് അ​ധി​കാ​ര​ത്തി​ൽ​വ​ന്നാ​ൽ സി.​ബി.ഐ  അ​ന്വേ​ഷ​ണ​ത്തി​ന്​ ഉ​ത്ത​ര​വി​ടു​മെ​ന്ന്​ അ​റി​യി​ച്ച​ത്. കൊ​ല്ല​പ്പെ​ട്ട യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​രു​ടെ കു​ടും​ബ​ത്തി​ന് നീ​തി​കി​ട്ട​ണ​മെ​ന്ന്​ അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന്​ മ​റു​പ​ടി​യാ​യി പ​റ​ഞ്ഞു. 10 മി​നി​റ്റോ​ള​മാ​ണ്​ രാ​ഹു​ല്‍ ഗാ​ന്ധി കൃ​പേ​ഷി​ന്റെ ഓ​ല​മേ​ഞ്ഞ ഒ​റ്റ​മു​റി​വീ​ട്ടി​ല്‍ ചെ​ല​വ​ഴി​ച്ച​ത്.

കൃഷ്​ണപ്രിയ ‘നന്നായി പഠിക്കണം’
കാ​ഞ്ഞ​ങ്ങാ​ട്​: ‘‘ന​ന്നാ​യി പ​ഠി​ക്ക​ണം’’ രാ​ഹു​ൽ ഗാ​ന്ധി കൃ​ഷ്​​ണ​പ്രി​യ​യു​ടെ കൈ​പി​ടി​ച്ചു​ പ​റ​ഞ്ഞു. എ​ല്ലാ​സ​ഹാ​യ​വും ഉ​ണ്ടാ​കു​മെ​ന്ന്​ ഓർ​മി​പ്പി​ക്കാ​നും അ​ദ്ദേ​ഹം മ​റ​ന്നി​ല്ല. പെ​രി​യ ക​ല്യോ​ട്ട്​ കൊ​ല്ല​പ്പെ​ട്ട യൂ​ത്ത്​ കോ​ൺ​ഗ്ര​സ്​ പ്ര​വ​ർ​ത്ത​ക​ൻ കൃ​പേ​ഷി​ന്റെ  സ​ഹോ​ദ​രി കൃ​ഷ്​​ണ​പ്രി​യ പ്ല​സ്​ ടു ​പ​രീ​ക്ഷ ക​ഴി​ഞ്ഞ്​ രാ​ഹു​ൽ ഗാ​ന്ധി എ​ത്തു​ന്ന​തി​ന്​ അ​ൽ​പ​സ​മ​യം മു​മ്പു​മാ​ത്ര​മാ​ണ്​ വീ​ട്ടി​ലെ​ത്തി​യ​ത്.

ഒ​റ്റ​മു​റി കു​ടി​ലി​ൽ ക​യ​റി​യ രാ​ഹു​ൽ ഗാ​ന്ധി​​ മു​ന്നി​ൽ ക​ണ്ട​ത്​ സ​ങ്ക​ട​ക്ക​ട​ലി​ൽ ക​ഴി​യു​ന്ന ഒ​രു കു​ടും​ബ​ത്തെ​യാ​യി​രു​ന്നു. കൃ​പേ​ഷി​ന്റെ അ​ച്ഛ​ൻ കൃ​ഷ്​​ണ​ന്​ വി​തു​മ്പ​ൽ അ​ട​ക്കാ​നാ​യി​ല്ല. രാ​ഹു​ൽ ഗാ​ന്ധി അ​ദ്ദേ​ഹ​ത്തെ ത​ന്നോ​ട്​ ചേ​ർ​ത്തു​പി​ടി​ച്ചു. ഭാ​ഷ​ക​ൾ അ​തി​ർ​വ​ര​മ്പു​ക​ൾ തീ​ർ​ക്കു​ന്ന​താ​യെ​ങ്കി​ലും കൃ​ഷ്ണ​ന്റെ ദുഃ​ഖ​ത്തി​ന്റെ ഭാ​ഷ രാ​ഹു​ൽ ഗാ​ന്ധി​ക്ക്​ മു​ന്നി​ൽ മൗ​നം തീ​ർ​ത്തു. പി​ന്നീ​ട്​ ആ​ദ്യ​നി​മി​ഷ​ത്തെ പ​ത​ർ​ച്ച​ക്കു​ശേ​ഷം അ​ദ്ദേ​ഹം കു​ടും​ബാം​ഗ​ങ്ങ​ളെ ആ​ശ്വ​സി​പ്പി​ച്ചു.

അ​ച്ഛ​ൻ കൃ​ഷ്​​ണ​നോ​ട്​ കാ​ര്യ​ങ്ങ​ൾ സാ​വ​ധാ​നം ചോ​ദി​ച്ച​റി​ഞ്ഞു. അ​മ്മ ബാ​ലാ​മ​ണി​യെ ആ​ശ്വ​സി​പ്പി​ച്ചു. സ​ഹോ​ദ​രി കൃ​പ​യോ​ടും വി​ശേ​ഷ​ങ്ങ​ൾ ആ​രാ​ഞ്ഞു. സാ​മ്പ​ത്തി​ക സ്ഥി​തി​യെ​ക്കു​റി​ച്ച്​ അ​ന്വേ​ഷി​ച്ച രാ​ഹു​ൽ ഗാ​ന്ധി തെ​ര​​ഞ്ഞെ​ടു​പ്പ്​ ക​ഴി​ഞ്ഞാ​ൽ വേ​ണ്ട​സ​ഹാ​യം ന​ൽ​കാ​മെ​ന്ന്​ കൃ​ഷ്​​ണ​നും കു​ടും​ബ​ത്തി​നും ഉ​റ​പ്പു​ന​ൽ​കി. കൃ​പേ​ഷി​​ന്റെ ബ​ന്ധു​ക്ക​ളാ​യ രോ​ഹി​ണി, സു​മി​ത്ര, സു​രേ​ഷ്, അ​ഭി​ലാ​ഷ്, പ്ര​ഭാ​ക​ര​ൻ, അ​ഖി​ലേ​ഷ്, റി​ജേ​ഷ്​ എ​ന്നി​വ​രും വീ​ട്ടി​ന​ക​ത്തു​ണ്ടാ​യി​രു​ന്നു

എസ്​.പി.ജിയുടെ കനത്ത സുരക്ഷയിലാണ്​ രാഹുൽ എത്തിയത്​. അതിനാൽ തന്നെ അദ്ദേഹം വരുന്ന വഴിയിലേക്ക്​ ആർക്കും പ്രവേശനം ഇല്ലായിരുന്നു. രാഹുൽഗാന്ധിയെ കാണാനായി സ്​ത്രീകളും കുട്ടികളും ഉൾപ്പെടെയുള്ള വൻജനാവലി വീട്ടിലെത്തിയിരുന്നു. മണിക്കൂറുകളോളം അവർ കോൺഗ്രസ്​ അധ്യക്ഷ​​​​​​ന്റെ വരവിനായി കാത്തിരുന്നു.
കോൺഗ്രസ്​ അധികാരത്തിലെത്തിയാൽ കൊലപാതകം സി.ബി.ഐ  അന്വേഷിക്കുമെന്ന്​ രാഹുൽഗാന്ധി ഉറപ്പ്​ നൽകിയതായി കൃപേഷി​​​​​​ന്റെ പിതാവ്​ മാധ്യമങ്ങളോട്​ പറഞ്ഞു.

വീടിനടുത്ത്​ വരെ എത്തിയിട്ടും തങ്ങളെ കാണാനോ ആശ്വസിപ്പിക്കാനോ മുഖ്യമന്ത്രിക്ക്​ തോന്നിയില്ല. കൊലക്ക്​ പിന്നിൽ പാർട്ടിയാണെന്ന്​ ബോധ്യമുള്ളതുകൊണ്ടാവാം​ അദ്ദേഹം വരാതിരുന്നത്​​. രാഹുലി​ന്റെ വരവിൽ ഏറെ സന്തോഷമുണ്ടെന്നും കോൺഗ്രസി​​​​​​ന്റെ എല്ലാവിധ സഹായങ്ങളും ഉണ്ടാകു മെന്ന്​ അദ്ദേഹം ഉറപ്പ്​ നൽകിയതായും കൃപേഷി​​​​​​ന്റെ പിതാവ്​ വ്യക്തമാക്കി.