കാസർകോടും കണ്ണൂരും കള്ളവോ​ട്ടെന്ന്​​; ദൃശ്യങ്ങൾ പുറത്തു വിട്ട്​ കോൺഗ്രസ്

കാസർകോട്​: ലോക്​സഭാ തെരഞ്ഞെടുപ്പിൽ കാസർകോടും കണ്ണൂരും വ്യാപകമായി കള്ളവോട്ട്​ നടന്നെന്ന ആരോപണവുമായി കോൺഗ്രസ്​. ഒരാൾ തന്നെ രണ്ട്​ തവണ വോട്ടു ചെയ്യുന്ന ദൃശ്യങ്ങൾ​ കോൺഗ്രസ്​ പുറത്തുവിട്ടു​.[www.malabarflash.com]

പോളിങ് ഓഫീസറുടെ സഹായത്തോടെയാണ്​ സ്​ത്രീ​ വോട്ടർ കള്ളവോട്ട്​ ചെയ്​തത്​. ബൂത്തിൻെറ വാതിലടച്ച ശേഷമാണ്​ രണ്ടാമത്തെ വോട്ട്​ നടന്നത്​.

കണ്ണൂരിൽ ജനപ്രതിനിധിയും കള്ളവോട്ടുകാരിൽ ഉൾപ്പെട്ടിട്ടു​െണ്ടന്ന്​ കോൺഗ്രസ്​ ആരോപിച്ചു. കണ്ണൂർ ചെറുതാഴം പഞ്ചായത്തംഗം സെലീന എം.പിയാണ്​ കള്ളവോട്ട്​ ചെയ്​തത്​. 

സംഭവത്തെ തുടർന്ന്​ കണ്ണൂർ, കാസർകോട്​ ജില്ലാകലക്​ടർമാരിൽ നിന്ന്​ മുഖ്യതെരഞ്ഞെടുപ്പ്​ ഓഫീസർ ടിക്കാറാം മീണ റിപ്പോർട്ട്​ തേടി. വിഡിയോയുടെ ആധികാരികത പരിശോധിച്ച ശേഷം ആവശ്യമായ നടപടി സ്വീകരിക്കുമെന്നും അദ്ദേഹം പറഞ്ഞു.