വ്യാഴാഴ്ച രാവിലെ കുത്തനൂർ പൊന്നങ്കുളം ചിമ്പുകാട് സോമസുന്ദരത്തിന്റെ ഭാര്യ സത്യഭാമയാണ് (33) തട്ടിപ്പിനിരയായത്. വൈദ്യനാഥ് സാഹും മറ്റൊരാളും ഇവരുടെ വീട്ടിലെത്തി പഴയ സ്വർണം പോളിഷ് ചെയ്ത് പുതിയതുപോലെയാക്കാമെന്ന് പറഞ്ഞു.
സത്യഭാമ രണ്ടര പവന്റെ താലിമാല പോളിഷ് ചെയ്യാൻ നൽകി. ലായനിയിൽ മുക്കിയെടുത്ത മാല പുതിയതുപോലെയായി. കൈയിലെടുത്തപ്പോൾ തൂക്കം കുറഞ്ഞതായി തോന്നി. സംശയം തീർക്കാൻ പരിശോധിക്കുന്നതിനിടെ മാല പൊട്ടുകയും ചെയ്തു.
ഇതോടെ തട്ടിപ്പാണെന്ന് തിരിച്ചറിഞ്ഞ് ഇവർ ബഹളം കൂട്ടി. അയൽവാസികളും മറ്റും കൂടിയതോടെ വെദ്യനാഥ് സാഹിന്റെ കൂട്ടാളി ഓടിരക്ഷപ്പെട്ടു. വൈദ്യനാഥിനെ ഇവർ തടഞ്ഞുവെച്ചു. കുഴൽമന്ദം പോലീസ് സ്ഥലത്തെത്തി ഇയാളെ അറസ്റ്റുചെയ്തു. കൂട്ടാളിയുടെ പേരുപോലും അറിയില്ലെന്നാണ് വൈദ്യനാഥ് പോലീസിനോട് പറയുന്നത്.
സംഭവത്തിൽ കൂടുതൽ അന്വേഷണം വേണ്ടിവരുമെന്ന് എസ്.ഐ. എ. അനൂപ് പറഞ്ഞു. ലായനിയിൽ ലയിച്ച നിലയിലുള്ള സ്വർണം വീണ്ടെടുക്കേണ്ടതുണ്ട്.
No comments:
Post a Comment