വാഹനാപകടങ്ങളിൽ പരിക്കേൽക്കുന്നവർക്ക് രണ്ടരലക്ഷം രൂപയും മരിച്ചവരുടെ ബന്ധുക്കൾക്ക് അഞ്ച് ലക്ഷം രൂപയും ലഭ്യമാക്കാനും ബില്ലിൽ വ്യവസ്ഥ ചെയ്യുന്നു. ബിൽ നിയമമാകാൻ ഇനി രാഷ്ട്രപതിയുടെ അനുമതി കൂടി വേണം. കഴിഞ്ഞയാഴ്ച ലോക്സഭയും മോട്ടോർ വാഹന ഭേദഗതി ബിൽ പാസാക്കിയിരുന്നു.
ബില്ലിലെ മറ്റു വ്യവസ്ഥകൾ
- ഡ്രൈവിംഗ് ലൈസൻസ് പുതുക്കാനുള്ള സമയപരിധി ഒരു മാസത്തിൽനിന്ന് ഒരു വർഷമാക്കും.
- ട്രാഫിക് നിയമങ്ങൾ ലംഘിക്കുന്നവർക്കുള്ള പിഴ തുക ഉയർത്തും
- ലൈസൻസ് ഇല്ലാതെ വാഹനം ഓടിച്ചാൽ 5000 രൂപ പിഴ.
- വാഹനാപകടത്തിൽപ്പെടുന്നവർക്ക് നഷ്ടപരിഹാരം നൽകേണ്ടത് വാഹന ഉടമ അല്ലെങ്കിൽ ഇൻഷ്വറൻസ് കന്പനിയാണ്.
- നഷ്ടപരിഹാരം ലഭിക്കുന്നതിൽ കാലതാമസം ഒഴിവാക്കാൻ ഇൻഷ്വറൻസ് ചട്ടങ്ങളിൽ ഇളവ് വരുത്തും.
- ലേണേഴ്സ് ലൈസൻസ് ഓണ്‍ലൈൻ വഴി നൽകും
- പ്രായപൂർത്തിയാകാത്തവർ വാഹനം ഓടിച്ച് അപകടം ഉണ്ടായാൽ രക്ഷിതാക്കൾക്ക് മൂന്നു വർഷം വരെ തടവ്.
- അപകടത്തിൽപ്പെട്ടവരെ ആശുപത്രിയിലെത്തിക്കുന്നവർക്കു സംരക്ഷണം.
- ഭിന്നശേഷിക്കാർക്ക് ലൈസൻസ് നൽകാൻ ലൈസൻസിംഗ് അതോറിറ്റിയ്ക്ക് അനുവാദം
- ബസ്, ചരക്ക് ലോറി അടക്കമുള്ള ട്രാൻസ്പോർട്ട് വാഹനങ്ങൾ ഓടിക്കുന്നതിനുള്ള ലൈസൻസ് അഞ്ചു വർഷത്തിലൊരിക്കൽ പുതുക്കിയാൽ മതി. ഇപ്പോഴിത് മൂന്നു വർഷമാണ്.
No comments:
Post a Comment