നീതിയുടെ വിജയമാണെന്ന് തുഷാർ പ്രതികരിച്ചു. വലിയ ചതിയിൽ നിന്നാണ് രക്ഷപ്പെട്ടത്. മുഖ്യമന്ത്രി പിണറായി വിജയനും എം.എ. യൂസുഫലിക്കും നന്ദിയെന്നും അദ്ദേഹം പറഞ്ഞു. കേസ് തള്ളിയതോടെ ജാമ്യമായി കോടതിയിൽ സമർപ്പിച്ച പാസ്പോർട്ട്‌ തുഷാറിന് തിരിച്ചു കിട്ടും.
ചെക്ക് കേസുമായി ബന്ധപ്പെട്ട് പരാതിക്കാരൻ നടത്തിയ ഫോൺ സംഭാഷണ ഭാഗങ്ങൾ പുറത്തായിരുന്നു. അഞ്ചു ലക്ഷം രൂപ വേണമെന്നും ചെക്കുമായി ബന്ധപ്പെട്ട കൈവിട്ട കളികളിലേക്ക് നീങ്ങുകയാണെന്നും അടുത്ത ദിവസം തുഷാർ യു.എ.ഇയിൽ എത്തുേമ്പാൾ ഷാർജയിലെ കോടതിയിൽ കേസ് നൽകുമെന്നും നാസിൽ പറയുന്ന ഭാഗങ്ങളാണ് വാട്സ്ആപ്പ് വഴി പ്രചരിച്ചത്.
ചെക്ക് കൈയിലെത്തിയാൽ പത്തു ദശലക്ഷം രൂപ വരെ എഴുതി സമർപ്പിക്കുമെന്നും പകുതി തുക ലഭിച്ചാൽ ഒത്തുതീർപ്പാക്കുമെന്നും സന്ദേശത്തിൽ പറഞ്ഞിരുന്നു. ഇതടക്കം തുഷാറിന് അനുകൂലമായെന്നാണ് വിലയിരുത്തൽ.
കേസ് ഒത്തുതീര്‍ക്കാന്‍ പ്രോസിക്യൂട്ടറുടെ സാന്നിധ്യത്തിൽ ചർച്ച നടത്തിയെങ്കിലും തുഷാര്‍ നൽകാമെന്നു പറയുന്ന തുക അപര്യാപ്തമാണെന്ന് അറിയിച്ച് പരാതിക്കാരന്‍ പിന്‍വാങ്ങിയിരുന്നു.
തുഷാർ യു.എ.ഇയിൽ നടത്തിയിരുന്ന ബോയിങ് കൺസ്ട്രക്ഷൻ കമ്പനിയിൽ സബ്കോൺട്രാക്ട് ജോലികൾ ചെയ്ത വകയിൽ നാസിൽ അബ്ദുല്ലക്ക് നൽകിയ ചെക്ക് അക്കൗണ്ടിൽ പണമില്ലാതെ മടങ്ങിയതാണ് കേസിലേക്കും അറസ്റ്റിലേക്കും നയിച്ചത്.
No comments:
Post a Comment