മൂന്നുപേരെ ഗുരുതരാവസ്ഥയില്‍ കാസര്‍കോട് ജനറല്‍ ആസ്പത്രിയില്‍ പ്രവേശിപ്പിച്ചു. വര്‍ക്കല സ്വദേശിയായ ചാര്‍ളി(56)യ ാണ് മരിച്ചത്. വര്‍ക്കലയിലെ ഗില്‍ബര്‍ട്ട്(38),കന്യാകുമാരി സ്വദേശികളായ ദത്തായിസ്(53), സദൈ(54) എന്നിവരാണ് ഗുരുതരാവസ്ഥയിലുള്ളത്.
കണ്ണൂരിലെ അഴീക്കലില്‍ നിന്നാണ് ചാര്‍ളിയടക്കം ഒമ്പത് മത്സ്യതൊഴിലാളികള്‍ കര്‍ണ്ണാടകയിലെ മല്‍പ്പയിലേക്ക് ബോട്ടില്‍ മത്സ്യബന്ധനത്തിന് പോയത്. തിരിച്ചുവരുമ്പോള്‍ ഇവര്‍ ഭക്ഷണത്തോടൊപ്പം കുടിക്കാനായി ടാങ്കില്‍ നിന്ന് വെള്ളം വലിയ കാനില്‍ ശേഖരിച്ചിരുന്നു. ഈ വെള്ളം കുടിച്ചതിന് ശേഷമാണ് അസ്വസ്ഥത ആരംഭിച്ചത്.
തിങ്കളാഴ്ച ഉച്ചയോടെ തളങ്കര തീരദേശത്ത് ബോട്ടടുപ്പിച്ച ഇവര്‍ കോസ്റ്റല്‍ പൊലീസില്‍ വിവരമറിയിച്ചു. ക്ഷീണിതരായി കാണപ്പെട്ട മത്സ്യതൊഴിലാളികളെ ഉടന്‍ ആസ്പത്രിയിലെത്തിച്ചു. ഇതിനിടെയാണ് ചാര്‍ളി മരിച്ചത്.
വെള്ളത്തിലൂടെയാണ് വിഷബാധ വന്നതെന്നാണ് സംശയം. ഭക്ഷണത്തിന്റെയും വെള്ളത്തിന്റെയും സാമ്പിളുകള്‍ വിദഗ്ധ പരിശോധനക്കായി അയച്ചു.
No comments:
Post a Comment