ഹോം സ്റ്റേ ആക്രമണം: നാലുമാസങ്ങൾക്ക് ശേഷം നവീൻ ജയിൽ മോചിതനായി

മംഗലാപുരം: കഴിഞ്ഞ വർഷമുണ്ടായ പാഡിൽ ഹോം സ്റ്റേ ആക്രമണവുമായി ബന്ധപ്പെട്ട് അറസ്റ്റിലായ ചാനൽ റിപോർട്ടർ നവീൻ സൂരിഞ്ചേ നാലുമാസങ്ങൾക്ക് ശേഷം ജയിൽ മോചിതനായി. മാർച്ച് 23 ശനിയാഴ്ച 5.30നാണ് അദ്ദേഹം ജയിൽ മോചിതനായത്. മാർച്ച് 18ന് ഹൈക്കോടതി ജാമ്യമനുവദിച്ചതിനേ തുടർന്നാണ് സൂരിഞ്ചേ സ്വതന്ത്രനായത്.
ചാനൽ, മാധ്യമരംഗത്തെ നിരവധി പ്രമുഖർ സൂരിഞ്ചേയ്ക്ക് സ്വീകരണം നൽകി. ഡി.വൈ. എഫ്.ഐ, പി.യു.സി.എൽ, കോമു സൗഹാർദ്ദ വേദികേ എന്നീ സംഘടനാ നേതാക്കളും വിത്തൽ മലേകുടിയ, വിജയ് കുമാർ തുടങ്ങിയവരും സൂരിഞ്ചേയെ സ്വീകരിക്കാനായി എത്തിയിരുന്നു. ഹോം സ്റ്റേ ആക്രമണത്തിന് ഇരയായ വിദ്യാർത്ഥിയാണ് വിജയ്കുമാർ.
അഞ്ച് ലക്ഷത്തിന്റെ വ്യക്തിഗത ഉറപ്പിലാണ് സൂരിഞ്ചേയ്ക്ക് ജാമ്യം അനുവദിച്ചത്. കോടതി ആവശ്യപ്പെട്ടാലുടനെ ഹാജരാകാൻ നിർദ്ദേശം നൽകിയിട്ടുണ്ട്. 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News