വ്യാഴാഴ്ച രാത്രിയാണ് വീട്ടിലെ കിടപ്പുമുറിയില് രൂപപ്പെട്ട ഗര്ത്തത്തിലേക്ക് ജെഫ് ബുഷ് വീണത്. ഫ്ലോറിഡയിലെ സെഫ്നറിലാണ് സംഭവം. വലിയ ശബ്ദംകേട്ട് ബുഷിന്റെ മുറിയില് എത്തിയപ്പോള് അദ്ദേഹം ഭൂമിക്കടിയിലേക്ക് താണുപോകുന്നതാണ് കണ്ടതെന്ന് സഹോദരന് ജറമി പറഞ്ഞു.
30 മീറ്റര് ആഴമുള്ള ഗര്ത്തമാണ് കിടപ്പുമുറിയില് രൂപപ്പെട്ടത്. സഹോദരന് ജറമി ഗര്ത്തത്തില് ഇറങ്ങി കുഴിച്ചു നോക്കിയെങ്കിലും ഒന്നും കണ്ടെത്താനായില്ല. രക്ഷാപ്രവര്ത്തകരാണ് ജറമിയെ സ്ഥലത്തുനിന്ന് മാറ്റിയത്. ഗര്ത്തം വലുതാകാന് സാധ്യതയുള്ളതിനാല് സമീപവാസികളെ രക്ഷാപ്രവര്ത്തകര് ഒഴിപ്പിച്ചിട്ടുണ്ട്. ഭൂമിക്കടിയില് ദുര്ബലമായ പാറകളുള്ള ഫ്ലോറിഡ പ്രദേശത്ത് ഇത്തരം ഗര്ത്തങ്ങള് രൂപപ്പെടാറുണ്ട്.
No comments:
Post a Comment