അവിഹിതബന്ധത്തിന്റെ പേരിൽ മർദ്ദനമേറ്റ മന്ത്രി ഗണേശ് കുമാർ: പിസി ജോർജ്

കോട്ടയം: അവിഹിതബന്ധത്തിന്റെ പേരില്‍ മര്‍ദ്ദനമേറ്റത് മന്ത്രി ഗണേശ്കുമാറിനാണെന്ന് ചീഫ് വിപ്പ് പി.സി ജോര്‍ജ്. അവിഹിതബന്ധത്തിന്റെ പേരില്‍ സംസ്ഥാന മന്ത്രിസഭയിലെ ഒരു മന്ത്രിയെ മന്ത്രിമന്ദിരത്തില്‍ വെച്ച് കാമുകിയുടെ ഭര്‍ത്താവ് മര്‍ദ്ദിച്ചതായ ഒരു പത്രവാര്‍ത്തയോട് പ്രതികരിക്കുകയായിരുന്നു പി.സി ജോര്‍ജ്. 'അടി കിട്ടിയത് ഗണേശിന് തന്നെയെന്ന് എനിക്ക് ബോധ്യമുണ്ട്' ഈരാറ്റുപേട്ടയില്‍ വാര്‍ത്താ സമ്മേളനത്തില്‍ ജോര്‍ജ് പറഞ്ഞു.
മുഖ്യമന്ത്രിയും യു.ഡി.എഫും ഇക്കാര്യം ചര്‍ച്ച ചെയ്ത് ഗണേഷിനെ മന്ത്രിസഭയില്‍ നിന്നു മാറ്റണം. ഇങ്ങനെയൊരു സംഭവമുണ്ടായത് മറ്റു മന്ത്രിമാര്‍ക്കും നാണക്കേടുണ്ടാക്കിയെന്നും പി.സി. ജോര്‍ജ് കൂട്ടിച്ചേര്‍ത്തു.