യുവതി മക്കളെയു മെടുത്ത് കിണറ്റില്‍ ചാടി, കുട്ടികള്‍ മരിച്ചു

രണ്ട് മക്കളുമായി അമ്മ കിണറ്റില്‍ ചാടി. കുട്ടികള്‍ രണ്ടു പേരും മരണപ്പെട്ടു. അമ്മയെ ഗുരുതരമായ നിലയില്‍ ആശുപത്രിയില്‍ പ്രവേശിപ്പിച്ചു. പെരളശ്ശേരി വടക്കുമ്പാട് എ കെ ജി സ്തൂപത്തിന് സമീപമാണ് നാടിനെ നടുക്കിയ സംഭവം. പുതിയപുരയില്‍ സന്ദീപിന്റെ ഭാര്യ സുഷമ (34) യാണ് മക്കളായ സജല്‍ (5), സാല്‍വ (3) എന്നിവരെയുമെടുത്ത് രാവിലെ 6.30 ഓടെ കിണറ്റില്‍ ചാടിയത്. സന്ദീപിനരികില്‍ കിടന്നുറങ്ങുകയായിരുന്ന കുട്ടികളെ എടുത്ത് സുഷമ നേരെ 25 കോല്‍ ആഴമുള്ള കിണറ്റില്‍ ചാടുകയായിരുന്നു. ശബ്ദം കേട്ട് സന്ദീപിന്റെ ജ്യേഷ്ഠന്‍ ഓടിയെത്തി ബഹളം വെച്ചതിനെ തുടര്‍ന്നെത്തിയ നാട്ടുകാരും പിന്നാലെയെത്തിയ ഫയര്‍സര്‍വീസ് ഉദ്യോഗസ്ഥരും കിണറ്റിലിറങ്ങി കുട്ടികളെ പുറത്തെടുത്തെങ്കിലും അപ്പോഴേക്കും മരിച്ചിരുന്നു. ഗുരുതരമായി പരിക്കേറ്റ സുഷമയെ ആദ്യം 

പെരളശ്ശേരി ആശുപത്രിയിലും പിന്നീട് കണ്ണൂര്‍ എ കെ ജി ആശുപത്രിയിലേക്കും കൊണ്ടു പോകുകയായിരുന്നു. കുട്ടികളെ ആദ്യം കിണറ്റിലിട്ട ശേഷം സുഷമ ചാടുകയായിരുന്നുവെന്നാണ് സൂചന. കുട്ടികളുടെ മൃതദേഹം കണ്ണൂര്‍ ജില്ലാ ആശുപത്രിയില്‍ സൂക്ഷിച്ചിരിക്കയാണ്. സുഷമ കുട്ടികളെയുമെടുത്ത് പോകുന്നത് സന്ദീപ് അറിഞ്ഞിരുന്നെങ്കിലും ഈ കടുംകൈ ചെയ്യാനാണ് പോകുന്നതെന്ന് തിരിച്ചറിഞ്ഞില്ലെന്ന് സന്ദീപിന്റെ ജ്യേഷ്ഠന്‍ പറഞ്ഞു.

മമ്പറം ഇംഗ്ലീഷ് മീഡിയം സ്‌കൂളിലെ യു കെ ജി വിദ്യാര്‍ത്ഥിയാണ് മരണപ്പെട്ട സജല്‍. സംഭവത്തിനു പിന്നില്‍ കുടുംബ പ്രശ്‌നമാണെന്നാണ് സൂചന. കോണ്‍ക്രീറ്റ് കാര്‍ ജോലിക്കാരനാണ് സന്ദീപ്. തറവാട് വീടിന് തൊട്ട് മുമ്പില്‍ ഇവര്‍ പുതുതായി പണി കഴിപ്പിക്കുന്ന വീടിന്റെ നിര്‍മാണജോലികള്‍ നടന്നുകൊണ്ടിരിക്കുകയായിരുന്നു. സന്ദീപിന്റെ അമ്മയും ജ്യേഷഠനും കുടുംബവുമാണ് ഈ വീട്ടിലെ മറ്റ് താമസക്കാര്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News