എന്‍ഡോസള്‍ഫാന്‍-നബാര്‍ഡ് പദ്ധതികളുടെ ജില്ലാതല പ്രവൃത്തി ഉദ്ഘാടനം ഏപ്രില്‍ 5ന്

കാസര്‍കോട്: എന്‍ഡോസള്‍ഫാന്‍ ബാധിതപഞ്ചായത്തുകളായ എണ്‍മകജെ, ബദിയഡുക്ക, കുമ്പടാജെ ബെള്ളൂര്‍,കാറഡുക്ക, മുളിയാര്‍,പുല്ലൂര്‍-പെരിയ, അജാനൂര്‍, കള്ളാര്‍, കയ്യൂര്‍-ചീമേനി, പനത്തടി എന്നിവിടങ്ങളില്‍ സംസ്ഥാന സര്‍ക്കാരിന്റെ സഹായത്തോടെ നബാര്‍ഡില്‍ നിന്നും അനുവദിച്ച 200 കോടി രൂപയുടെ നിര്‍മ്മാണ പ്രവര്‍ത്തനങ്ങളുടെ ജില്ലാതല പ്രവൃത്തി ഉദ്ഘാടനം ഏപ്രില്‍ 5-ന് രാവിലെ ബോവിക്കാനത്ത് നടക്കും. സ്‌കൂള്‍ കെട്ടിടങ്ങള്‍, കുടിവെള്ളപദ്ധതികള്‍, ബഡ്‌സ് സ്‌കൂള്‍ കെട്ടിടങ്ങള്‍, ആശുപത്രി കെട്ടിടങ്ങള്‍ എന്നീ മേഖലകളിലാണ് നിര്‍മ്മാണ പ്രവൃത്തികള്‍ ആരംഭിക്കുന്നത്. ഇവയുടെ ടെണ്ടര്‍ നടപടികള്‍ പൂര്‍ത്തിയായി നിര്‍മ്മാണ പ്രവൃത്തി ആരംഭിച്ചിട്ടുണ്ട്.
സംസ്ഥാന പഞ്ചായത്ത്-സാമൂഹ്യക്ഷേമ വകുപ്പ് മന്ത്രി ഡോ.എം.കെ മുനീര്‍, കൃഷിവകുപ്പ് മന്ത്രി കെ.പി. മോഹനന്‍ എന്നിവര്‍ ഉദ്ഘാടനം നിര്‍വ്വഹിക്കും. പി.കരുണാകരന്‍ എം.പി അദ്ധ്യക്ഷത വഹിക്കും. എം.എല്‍.എ മാരായ കെ. കുഞ്ഞിരാമന്‍(ഉദുമ), പി.ബി. അബ്ദുള്‍ റസാഖ്, എന്‍.എ നെല്ലിക്കുന്ന്, ഇ. ചന്ദ്രശേഖര്‍, കെ. കുഞ്ഞിരാമന്‍, മുന്‍ മന്ത്രിമാരായ ചെര്‍ക്കളം അബ്ദുള്ള, സി.ടി അഹമ്മദലി എന്നിവര്‍ മുഖ്യഅതിഥികളാകും. ജില്ലാ കളക്ടര്‍ മുഹമ്മദ്‌സാഗീര്‍ റിപ്പോര്‍ട്ട് അവതരിപ്പിക്കും. നബാര്‍ഡ് എ.ജി.എം എന്‍.ഗോപാലന്‍ പദ്ധതി വിശദീകരണം നടത്തും. കോണ്‍കോഡ് സെമിനാറിന്റെ സിഡി ഡെപ്യുട്ടി കളക്ടര്‍ പി.കെ.സുധീര്‍ ബാബു ഡോ.മുഹമ്മദ് അഷീലിനു നല്‍കി പ്രകാശനം ചെയ്യും. ലെറ്റര്‍ പി.ബാലകിരണ്‍ പ്രകാശനംചെയ്യും
ബ്ലോക്ക്പഞ്ചായത്ത്പ്രസിഡന്റുമാര്‍,ഗ്രാമപഞ്ചായത്ത് അസ്സോസിയോഷന്‍ ഭാരവാഹികള്‍, ജില്ലയിലെ രാഷ്ട്രീയ പ്രസ്ഥാനങ്ങളുടെ ജില്ലാ നേതാക്കള്‍,തുടങ്ങിയവര്‍ സംബന്ധിക്കും.പരിപാടികള്‍ക്ക് തുടക്കം കുറിച്ച് ബ്ലോക്ക് ഗ്രാമപഞ്ചായത്തുകളുടെ നേതൃത്വത്തിലുള്ള എന്‍ഡോസള്‍ഫാന്‍ പ്രതിരോധ സന്ദേശ റാലിയും നടക്കും

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News