പെര്‍ളയില്‍ ബൈക്കപകടത്തില്‍ യുവാവ് മ­രിച്ചു

പെര്‍ള: ബസ്സിനു സൈഡ് കൊടുക്കാന്‍ ശ്രമിക്കുന്നതിനിടെ നിയന്ത്രണം വിട്ട ബൈക്ക് കുഴിയിലേക്ക് വീണ് ബൈക്ക് യാത്രക്കാരനായ ആര്‍ളപദവ് പള്ള സ്വദേശി അഷ്‌റഫ് (30) മരിച്ചു. ഞായറാഴ്ച വൈകുന്നേരം പെര്‍ള റെഞ്ചയിലാണ് അപകടം.
ആര്‍ളപദവിലെ അബ്ദുല്ല ഹാജി ഖദീജ ദമ്പതികളുടെ മകനാണ് മരിച്ച അഷ്‌റഫ്. കമ്പ്യൂട്ടര്‍ അധ്യാപകനായിരുന്ന അഷ്‌റഫ് അടുത്ത കാലത്താണ് മലേഷ്യയിലേക്ക് ജോലിക്ക് പോയത്.
കഴിഞ്ഞയാഴ്ച മലേഷ്യയില്‍നിന്ന് നാട്ടിലേക്ക് വന്ന അഷ്‌റഫ് സുഹ്യത്തിന്റെ വീട്ടിലേക്ക് പോകവെയാണ് ബൈക്ക് പകടത്തില്‍ പെട്ടത് . ഗുരുതരമായി പരുക്കേറ്റ അഷ്‌റഫിനെ ഉടനെ മംഗലാപുരം ആശുപത്രിയിലേക്ക് കൊണ്ടു പോയങ്കിലും ജീവന്‍ രക്ഷിക്കാന്‍ കഴിഞ്ഞില്ല. നസീമയാണ് ഭാര്യ. ഒരു വയസ്സുള്ള നിഹ യാണ് ഏക മകള്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News