യുവതിയുടെ അസ്വാഭാവിക മരണം: സിദ്ധനെ ചോദ്യം ചെയ്തു

മഞ്ചേരി: പൂക്കോട്ടൂര്‍ മാരിയാട് സ്വദേശിനി സൗബാനത്തി(20)ന്റെ അസ്വാഭാവിക മരണത്തില്‍ യുവതിയെ ചികിത്സിച്ച സിദ്ധനെ പോലീസ് ചോദ്യം ചെയ്തു. എട്ടുമാസം മുമ്പ് വിവാഹ മോചനം നേടിയ യുവതിയെ വീട്ടുകാര്‍ കൈവിഷം തട്ടിയതാണെന്ന് വിശ്വസിച്ച് കൊണേ്ടാട്ടി കൊട്ടപ്പുറത്തുള്ള സിദ്ധനെ സമീപിച്ചിരുന്നു. ഇക്കഴിഞ്ഞ ഫെബ്രുവരി 24നാണ് യുവതി മരണപ്പെട്ടത്.
മരണത്തില്‍ ദുരൂഹതയുള്ളതിനാല്‍ കോഴിക്കോട് മെഡിക്കല്‍ കോളജ്് ആശുപത്രിയില്‍ വച്ചാണ് പോസ്റ്റുമോര്‍ട്ടം നടത്തിയത്. അസ്വാഭാവിക മരണത്തിന് കേസെടുത്ത പോലീസ് സിദ്ധനെ ചോദ്യം ചെയ്തുവരുന്നു.