ഇന്റര്‍നെറ്റ് ഉപയോഗിക്കുന്ന യുവാക്കള്‍ക്കായി നോക്കിയ 206 എത്തി

മൊബൈല്‍ഫോണില്‍ യഥേഷ്ടം ഇന്റര്‍നെറ്റ് ഉപയോഗിക്കുന്ന യുവാക്കള്‍ക്കായി ഹാന്‍ഡ്സെറ്റ് നിര്‍മാണരംഗത്തെ പ്രമുഖരായ നോക്കിയ 206 വിപണിയിലെത്തിക്കുന്നു. യൂട്യൂബുമായി സഹകരിച്ച് പരിധിയില്ലാതെ അതിവേഗം വീഡിയോ ഡൗണ്‍ലോഡ് ചെയ്യാമെന്നതാണ് പ്രധാന സവിശേഷതയെന്ന് നോക്കിയയുടെ ദക്ഷിണമേഖലാ മേധാവി ആര്‍ ശ്രീധര്‍ പറഞ്ഞു. എന്നാല്‍, അതിനുസരിച്ച് ഡാറ്റയുടെ ചെലവ് വര്‍ധിക്കില്ലെന്ന പ്രത്യേകതയുമുണ്ടെന്ന് അദ്ദേഹം കൂട്ടിച്ചേര്‍ത്തു. മികച്ച ഇമേജിങ്ങിനുള്ള സാങ്കേതികവിദ്യ ഒരുക്കിയിട്ടുള്ള 206ല്‍ കൂടുതല്‍ വ്യക്തതയാര്‍ന്ന ചിത്രങ്ങള്‍ ലഭിക്കുന്ന വലിയ സ്ക്രീനാണ് ഫോണിനുള്ളത്. 47 ദിവസംവരെ ബാറ്ററി ലൈഫാണ് 206ന്റെ മറ്റൊരു സവിശേഷത. ഇത്തരം സവിശേഷതകള്‍ ഒത്തിണങ്ങിയ പുതിയ 206 യുവാക്കളെ ആകര്‍ഷിക്കുന്ന നിറങ്ങളില്‍ ലഭ്യമാണെന്ന് ശ്രീധര്‍ പറഞ്ഞു. 3859 രൂപയാണ് നോക്കിയ 206ന്റെ വില.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News