കഴിഞ്ഞ വെള്ളിയാഴ്ച കോളജില്‍ എസ്എഫ്‌ഐ നടത്തിയ ഉപവാസ സമരത്തിനിടെ എബിവിപി പ്രവര്‍ത്തകരുമായി വാക്കേറ്റമുണ്ടായിരുന്നു. ഇതിന്റെ തുടര്‍ച്ചയായാണ് ചൊവ്വാഴ്ച അക്രമം നടന്നത്. എബിവിപി പ്രവര്‍ത്തകരെ എസ്എഫ്‌ഐ പ്രവര്‍ത്തകര്‍ മര്‍ദിച്ചുവെന്ന് ആരോപിച്ച് തിങ്കളാഴ്ച എബിവിപി പഠിപ്പ് മുടക്കിയിരുന്നു. ചൊവ്വാഴ്ച രാവിലെ എസ്എഫ്‌ഐ യൂണിയന്‍ ചെയര്‍മാന്‍ പി.വി. വിനീതിനെ ഒരു സംഘം എബിവിപി പ്രവര്‍ത്തകര്‍ മര്‍ദിച്ചതിനെ തുടര്‍ന്നാണ് വീണ്ടും സംഘര്‍ഷമുണ്ടായത്. തുടര്‍ന്ന് ഇരുവിഭാഗവും ഏറ്റുമുട്ടി.
വിനീതിനെ മര്‍ദിച്ചവരെ കോളജില്‍ നിന്നു പുറത്താക്കണമെന്ന് ആവശ്യപ്പെട്ട് എസ്എഫ്‌ഐ പ്രവര്‍ത്തകര്‍ പ്രിന്‍സിപ്പല്‍ പ്രഫ. പി. മുരളീധരന്റെ ഓഫീസിനു മുന്നില്‍ കുത്തിയിരിപ്പ് സമരം നടത്തി. സംഘര്‍ഷത്തെ തുടര്‍ന്നു മട്ടന്നൂര്‍ സിഐ ടി.എന്‍. സജീവ്, എസ്‌ഐ കെ.വി. പ്രമോദന്‍ എന്നിവരുടെ നേതൃത്വത്തിലുള്ള പോലീസ് സംഘം കോളജിലെത്തിയാണ് ഇരു വിഭാഗത്തെയും പിരിച്ചുവിട്ടത്.
പരിക്കേറ്റ വിനീത്, എസ്എഫ്‌ഐ പ്രവര്‍ത്തകരായ കെ.പി രാഹിത് (20), എബിവിപി പ്രവര്‍ത്തകാരായ എം. അജേഷ് (19), ഇ.കെ. റഹിന്‍ (18) എന്നിവരാണ് ആശുപത്രിയില്‍ ചികിത്സ തേടിയത്. എസ്എഫ്‌ഐ പ്രവര്‍ത്തകരെ കുത്തുപറമ്പ് ആശുപത്രിയിലും എബിവിപി പ്രവര്‍ത്തകര്‍ മട്ടന്നൂര്‍ താലൂക്കാശുപത്രിയിലും പ്രവേശിപ്പിച്ചിരിക്കുകയാണ്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News
No comments:
Post a Comment