ഗള്‍ഫില്‍ നിന്നും നാട്ടിലെത്തിയ മധ്യവയസ്‌കനെ കാണാതായി

മഞ്ചേശ്വരം: പത്തു ദിവസം മുമ്പു ഗള്‍ഫില്‍ നിന്നും നാട്ടിലെത്തിയ ആളെ കാണാനില്ലെന്ന പരാതിയു മായി ഭാര്യ പോലീസ് സ്‌റ്റേഷനിലെത്തി. മഞ്ചേശ്വരം ഗേറ്റിനു സമീപം ഉസ്മാന്‍ ക്വാര്‍ട്ടേഴ്‌സില്‍ താമസിക്കുന്ന ഹുസൈന്‍ (55) നെയാണു കാണാതായത്. ഗള്‍ഫില്‍ ഡ്രൈവറായിരുന്ന ഹുസൈന്‍ ഈ മാസം ഏഴിനാണു നാട്ടിലെത്തിയത്.ഗള്‍ഫിലേക്കു തിരിച്ചു പോകാനുള്ള വിസയ്ക്കുള്ള പണവുമായി 12 ന് ഉപ്പളയിലേക്കു പുറപ്പെട്ട ഹുസൈന്‍ തിരിച്ചുവന്നില്ലെന്നാണു ഭാര്യ സൗദ മഞ്ചേശ്വരം പോലീസില്‍ നല്‍കിയ പരാതിയില്‍ പറയുന്നത്. വീട്ടില്‍ നിന്നിറങ്ങുമ്പോള്‍ നീല ജീന്‍സും പാന്റ്‌സുമാണു ധരിച്ചിരുന്നത്. മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചു. ഹുസൈനെ കണ്ടെത്തുന്നവര്‍ 04998-272640 നമ്പറില്‍ അറിയിക്കണമെന്നു മഞ്ചേശ്വരം പോലീസ് അറിയിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News