കോഴിക്കോട്ട് വീണ്ടും സ്വര്‍ണവേട്ട; ഒരുകിലോ സ്വര്‍ണം പിടിച്ചു

കരിപ്പൂര്‍: കോഴിക്കോട് അന്താരാഷ്ട്ര വിമാനത്താവളത്തില്‍ വീണ്ടും സ്വര്‍ണവേട്ട. അനധികൃതമായി കടത്താന്‍ ശ്രമിച്ച 1.1 കിലോ സ്വര്‍ണമാണ് എയര്‍ കസ്റ്റംസ് ഇന്‍റലിജന്‍സ് വിഭാഗം ബുധനാഴ്ച പിടികൂടിയത്. എയര്‍ ഇന്ത്യ എക്‌സ്പ്രസ്സിന്റെ വിമാനത്തില്‍ ദുബായില്‍നിന്നെത്തിയ താമരശ്ശേരി തച്ചംപൊയില്‍ സ്വദേശി ഷമാസ്അലി (21)യില്‍നിന്നാണ് സ്വര്‍ണം പിടികൂടിയത്. ടേബിള്‍ ലാമ്പിന്റെ ബെയ്‌സിനുള്ളില്‍ ഒളിപ്പിച്ച നിലയിലായിരുന്നു സ്വര്‍ണം. എട്ട് സ്വര്‍ണബിസ്‌കറ്റുകളും രണ്ട് സ്വര്‍ണക്കട്ടികളുമാണ് ഉണ്ടായിരുന്നത്. അന്താരാഷ്ട്ര മാര്‍ക്കറ്റില്‍ 28,48,543 രൂപയാണ് ഇതിന്റെ മൂല്യം. ഇയാള്‍ മൂന്നുതവണ വിമാനത്താവളം വഴി വന്നുപോയതായി കണ്ടെത്തിയിട്ടുണ്ട്. സ്വര്‍ണക്കടത്ത് മാഫിയയുടെ കാരിയര്‍ മാത്രമാണ് ഇയാളെന്ന് കരുതുന്നു. ഷമാസ്അലിയെ കസ്റ്റംസ് വിഭാഗം അറസ്റ്റ്‌ചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News